Den fastsette kvoten i Kviteseid, Vinje og Tokke er alt fylt, men ei veke før jakta er slutt, får jegerar i området høve til å skyte inntil to dyr i tillegg til fire gauper som alt er skotne.
Framleis mykje gaupe
– Det er gode grunnar til avgjersla, seier leiar i nemnda, Jørund A. Ruud (Ap)
Jørund A. Ruud ynskjer å ta ut heile jaktkvoten.
Foto: Gisle Espeland / NRK– For det fyrste er jakta snart slutt, og det hastar med å ta ut dei siste dyra. Dessutan er det truleg meir gaupe i området enn styresmaktene ynskjer. Då høver det å ta ut dyr i ein region der småfehaldet står sterkt.
Sidan jakta tok til den 1. februar er det skote 28 dyr i området som omfattar Telemark, Buskerud, Vestfold og Aust-Agder. Kvoten er på inntil 30 dyr.
Les også:
Jakt i tre område
Avgjersla om å opne jakta i Kviteseid, Tokke og Vinje tyder at det no er høve til å jakta gaupe i tre område.
I tillegg til dei tre kommunane gjeld det Fyresdal og Nissedal med tilgrensande område i Aust-Agder, og eit område i Buskerud.
Kvotejakta etter gaupe varer ut mars.
