NRK Meny

Første gasstanker til Ineos

Den første gasstankaren frå USA kjem no i føremiddag inn til Rafnes i Bamble med etangass. Skipet er det største i sitt slag, og det er første gong etangass frå USA blir importert til Europa. Det er det britiske konsernet Ineos som har valt anlegga i Bamble som mottakar for den amerikanske gassen, som er råstoff i plastproduksjonen på Rønningen og Rafnes i Bamble.

Ineos gasskip
Foto: Mikkel Aanderaa / NRK
  • Urædd mister nøkkelspelar

    Veronica Amundsen forlet Urædd og går til 1. divisjonsrivalen Øvrevoll Hosle, skriv PD. Årsaka til klubbytet er at Amundsen har kome inn på skule i Oslo-området.

  • Sel 1700-tals kanne for 500.000

    Blomqvist auksjoner skal no selje ei kanne laga av tinndølen Knut Luraas-Rui. Kanna er laga på 1700-talet, og har vore i privat eige i meir enn 200 år, skriv Varden. Auksjonsforretningen reknar med at peisen blir opp mot 500.000 kroner.

  • Vil bygge ut riksveg 36

    Statens vegvesen skal lage ein rapport med tanke på korleis riksveg 36 frå Porsgrunn til Seljord kan byggast ut.
    Porsgrunn, Skien, Nome, Sauherad, Bø og Seljord kommunar er inviterte med i arbeidet, skriv Varden.

  • Seljord leiger i Kviteseid

    Seljord kommune manglar sjukeheimsplassar, og i fjor leigde kommunen 435 døgnplassar i nabokommunen Kviteseid. Det er no trong for å bygge fleire sjukeheimsplassar, seier kommunalsjef Kari Gro Espeland til Vest-Telemark blad.