Meiner Hovland fortener landslagsplass

Ole Gunnar Solskjær meiner Even Hovland er i landslagsform og blant dei største salsobjekta i Noreg. Sjølv vil sogningen berre fullføre sesongen skadefri.

Even Hovland

Even Hovland, her i kamp mot Strømsgodset, er i knallform for tida. No meiner manager Ole Gunnar Solskjær at 24-åringen nærmar seg landslagsklasse.

Foto: Svein Ove Ekornesvaag / Scanpix

Streller mot Forren

Even Hovland blei skadd i duell med Basel-spelar Marco Streller. Her er Streller i duell med Hovland sin tidlegare midtstopparkollega Vegard Forren. Den midtstoppardueoen kan bli ein realitet på ny etter Forren-returen.

Foto: Georgios Kefalas / Ap

Etter overgangen til Molde før 2012-sesongen spelte Even Hovland seg raskt inn i førsteellevaren. Saman med Vegard Forren var dei ein uvanleg solid midtstopparduo i norsk fotball.

Likevel har tida i Molde blitt prega av skader.

For 8. august, i Champions League-kvalifisering mot Basel, gjekk det gale for 24-åringen frå Vadheim i Sogn. I duell med Marco Streller small det og Hovland tok seg til det venstre kneet. Korsbandet hadde roke.

Resten av fjorårssesongen forsvann ut vindauget for Hovland, og ikkje før i vår i år var han tilbake. Det var i 4. runde i år, mot gamleklubben Sogndal, at midtstopparen var tilbake i aksjon.

Sidan det har han starta kvar kamp. Det hadde ikkje sogningen trudd sjølv.

Skremmer Solskjær

– Det har gått overraskande bra så langt i år. Eg hadde ikkje forventa så mykje speletid som hittil, og kroppen følest fin og stadig betre, seier Hovland til NRK.

Mot Viking laurdag blei det eitt poeng etter 1-1 for Hovland og Molde. Etter kampen var Molde-manager Ole Gunnar Solskjær svært fornøgd med eleven i midtforsvaret.

– Det står éin ved sidan av meg her som byrjar å bli skremmande god, og han melder seg nok inn i landslagsdiskusjonen veldig, veldig snart, sa Solskjær, då NRK spurte kven som var dei heitaste salsobjekta i norsk fotball for tida.

Av eigne spelarar nemnde Solskjær keeper Ørjan Håskjold Nyland i tillegg til Hovland.

Saka held fram under bildet.

Even Hovland

Even Hovland, her i duell med RBK-spelar Nicki Bille Nielsen, har vore solid for Molde den siste tida.

Foto: Ned Alley / Scanpix

– Alt anna får bli bonus

Hovland tek imot litt skryt, men meiner sjølv at han må bli endå litt betre for å sikre landslagsplass.

– Det er sjølvsagt eit mål i framtida igjen, og det er viktig å stå på og gjere det godt på trening og i kamp. Så kanskje i framtida.

Per no står 24-åringen med tre A-landskampar for Noreg – alle under Drillo sin «ungdomsturné» til Thailand.

I tillegg til ein landslagsplass som bør vere rundt hjørnet, meiner Solskjær at Hovland for kan bli svært attraktiv for utanlandske klubbar.

– Eg gjer meg ingen tankar om slikt no. Eg er endeleg tilbake etter langt skadefråvær, og det viktigaste for meg er å fullføre sesongen og halde meg skadefri. Alt anna som skjer etter kvart får bli bonus, slår Hovland fast.

Forren og Solskjær

Vil Vegard Forren få tillit av Ole Gunnar Solskjær etter returen frå Southampton?

Foto: Ekornesvåg, Svein Ove / NTB scanpix

Kan bli superduo igjen

Få har forlate Molde i sommar, og Solskjær slår fast til NRK at dei ikkje har bod frå utlandet på nokon av spelarane no.

Inn har derimot Per Egil Flo, Tommy Høiland, Mats Møller Dæhli og Vegard Forren kome. Fredrik Guldbrandsen skal vere like om hjørnet. For Even Hovland betyr overgangane hardare kamp på midtstopparplass.

– Ja, det er knallhard kamp om plassane, og det er viktig. Det hevar nivået på trening og i kamp, meiner Hovland.

Han sjølv, Forren, Joona Toivio, Kristoffer Paulsen Vatshaug, Magnar Ødegård og Børre Steenslid er midtstopparane i klubben no. Sistnemnde er ute med skade.

– Vi kan spele med tre, spele med to og flytte éin på back eller opp på midten. Eg har mange gode å ta av, svarer Solskjær på spørsmål om luksusproblemet i forsvar. For kven som blir eit eventuelt midtstopparpar framover er ikkje klart.

Om superduoen i 2012, Forren/Hovland, blir ein realitet får tida vise.

– Det er mogleg. Vi må vise oss fram på trening, så får «sjefen sjølv» avgjere kven som skal spele, avsluttar Hovland.

Siste nytt

  • Berg mister toppkampen mot Molde

    Bodø/Glimts Patrick Berg er uaktuell til seriefinalen mot Molde onsdag, men mandag kom det likevel positive nyheter rundt kneskaden han har pådratt seg.

    Berg gikk av banen etter å ha fått seg smell i kampen mot Strømsgodset søndag. Umiddelbart ble det fryktet en alvorlig kneskade.

    Mandag var Berg på MR-undersøkelse. På egne nettsider omtaler Glimt skaden som mindre alvorlig enn fryktet.

    – Vi må se an Patrick fra dag til dag. Det er for tidlig å si noe om når han er tilbake, men det er gode nyheter at det ikke er like alvorlig som mange fryktet, sier klubblege Morten Sørgård.

    Patrick Berg og Alfons Sampsted mot Roma
    Foto: Sondre Skjelvik / NRK
  • Dropper høydesamling

    De svenske OL-håpene Frida Karlsson, Linn Svahn, Maja Dahlqvist og Calle Halfvarsson dropper sesongoppkjøringens siste høydesamling.

    Det bekrefter Sveriges skiforbund på sine nettsider mandag.

    Karlsson, Svahn, Dahlqvist og Halfvarsson blir alle hjemme når landslagskollegene reiser til italienske Val Senales denne uken.

    Ifølge landslagssjef Anders Byström er det «individuelle vurderinger» som ligger til grunn for at de fire OL-medaljekandidatene ikke reiser til høyden.

    De norske langrennslandslagene for menn og kvinner befinner seg i øyeblikket på treningssamling i Livigno.

    Frida Karlsson
    Foto: NRK
  • Moi mister cupkamp mot Chelsea

    Mohamed Elyounoussi går mandag gjennom et lite inngrep i tommelen. Det gjør landslagsprofilen uaktuell til Southamptons ligacupmøte med Chelsea.

    Southampton bekrefter operasjonen på sine nettsider. Premier League-klubben opplyser at Elyounoussi trenger noen dagers hvile etter at tommelen er fikset.

    Sist uke fortalte Elyounoussi til TV 2 at han skadet tommelen da han scoret det første av sine to mål for Norge mot Montenegro i VM-kvalifiseringen. Han trodde et inngrep vil gjøre at han kom til å miste flere kamper. Så ille ser det ikke ut til å bli.

    Southampton regner med at Moi vil være klar igjen allerede mot Watford lørdag.

    Norge har viktige landskamper mot Latvia og Nederland neste måned.

    Mohamed Elyounoussi
    Foto: VEGARD WIVESTAD GRØTT / BILDBYRÅN

Sendeplan

Kl. Program Kanal