NRK Meny
Normal

Leicester: 745 millionar. Manchester City: 4,9 milliardar

Leicesters spelartropp er verdt under ein sjettedel av Manchester Citys. Og ingen har brukt færre spelarar enn Leicester denne sesongen. Her er tal som set liga-sensasjonen i perspektiv.

Leicester

BILLIG: Leicesters tropp er verd berre ein brøkdel av dei rikaste klubbane, men det bryr dei seg ikkje om. Her jublar Wes Morgan over scoring mot laget som kostar over seks gonger så mykje

Foto: OLI SCARFF / Afp

Ifølgje statistikken frå CIES Football Observatory, gjengitt i BBC, er troppen til heile den nybakte ligameisteren verdt 63 millionar pund, eller rundt 745 millionar norske kroner.

Tala er basert på pundkursen 11,83 kroner.

Til samanlikning er Manchester Citys tropp verdt 415 millionar pund (4909 mill kr) og Manchester Uniteds 395 millionar pund (4672 mill kr).

På dei neste plassane kjem Chelsea (280), Liverpool (260) og Arsenal 231).

Leicester er det første laget sidan Blackburn i 1995 – som er 21 år sidan – utanom dei fire store (Manchester-klubbane, Chelsea og Arsenal) som vinn Premier League.

Berre fem klubbar har troppar som er billigare enn Leicesters.

Leicester er også laget som har brukt færrast spelarar i Premier League denne sesongen – 23 i talet. Her er hardaste utfordrar Tottenham på andreplass med 24 spelarar på dei 36 serierundane som er spela.

Marc Albrighton, Wes Morgan og Kasper Schmeichel har spela alle kampane, medan Ngolo Kante og Riyad Mahrez har spela 35.

Og lønsbudsjettet?

På Deloitte's Sport Buiness Groups liste er Leicester laget med tredje lågaste lønsutgiftene i PL, med sine 36 millionar pund. Berre Bournemouth og Watford ligg lågare.

Men den lista er frå sesongen 2013/14, då Leicester var i Championship. Anslaget for denne sesongen er om lag 57 millionar pund, ifølgje BBC.

Uansett er det langt opp til lønsbudsjetta for Manchester-klubbane, med 220 millionar (United) og 205 millionar (City).

Leicester-spillerne ser på avslutningen av Chelsea -Tottenham-kampen.

Siste nytt

  • Ajeti-mål i Allsvenskan

    Bajram Ajeti scoret for Brommapojkarna da de tapte 1–3 mot Malmö FF i et oppgjør i Allsvenskan mandag. Det er nordmannens andre mål denne sesongen.

    Ajetis lag ligger nest sist etter én seier på de fem første kampene.

    Bajram Ajeti
    Foto: Lillestrøm Sportsklubb
  • Seriemeister etter anke-avslag

    AEK er gresk seriemeister etter at PAOK i dag tapte anken etter banestorminga i mars.

    PAOK blei trekt 3 poeng etter at klubbeigaren demonstrerte mot ei dommaravgjerd ved å storme bana med ein pistol.

    No blir poengstraffa ståande, og AEK har 8 poengs leiing på PAOK med to kampar att.

    Ivan Savvides, PAOK-eier
    Foto: HANDOUT / Reuters

Sendeplan

Kl. Program Kanal