NRK Meny
Normal

Styrta på veg til finalekamp - tre spelarar funne i live

Så langt er berre tre av spelarane frå fotballaget Chapecoensesom var i flystyrt i Colombia i natt, funnen i live. 76 av dei 81 ombord er ifølgje politiet omkomne.

COLOMBIA-CRASH

FRÅ JUBEL TIL TRAGEDIE: Her jublar Chapecoense for sensasjonell siger over San Lorenzo i semifinalen for ei veke sidan. I natt var dei med i ein tragisk flystyrt

Foto: PAULO WHITAKER / Reuters

Dei offisielle meldingane går berre ut på at fem skal ha overlevd. Blant dei er tre spelarar – Danilo, Jackson Follmann og Alan Ruschel.

Flystyrten skjedde like før midnatt lokal tid, klokka 06 i dag norsk tid.

Laget til den brasilianske klubben Chapecoense som var med i flystyrten i eit fjellområde utanfor Medellin i Colombia i natt, var på veg til første finalekamp i Copa Sudamerica.

Chapecoense slo svært overraskande ut det argentinske storlaget San Lorenzo i semifinalen i førre veke og skulle møte Atletico Nacional i første finalekamp onsdag.

Alle kampar i regi av det søramerikanske fotballforbundet er utsette inntil vidare.

Copa Sudamerica er den nest mest prestisjetunge turneringa i Sør-Amerika, tilsvarande europaligaen i Europa.

Chapecoense rykka i 2014 opp til øvste divisjon i Brasil, for første gong sidan 70-talet. Etter 15.-plass dei to første åra ligg dei no på niandeplass ein serierunde før slutt.

No skulle dei krune ein fantastisk sesong med den søramerikanske finalen.

Klubben høyrer til i byen Chapeco i delstaten Santa Catarina, den nest sørlegaste i Brasil.

Med eitt unntak er heile troppen brasilianarar.

Flyet skal vere det same som tidlegare denne månaden transporterte det argentinske landslaget.

Laster Twitter-innhold
Laster Twitter-innhold

Siste nytt

  • VG: Brækhus avlyser kamp

    Cecilia Brækhus dropper å bokse under stevnet i Las Vegas 15. september, skriver VG.

    – Jeg satte en grense nå. Det har vært et krevende år med to kamper på hver sin side av kloden i løpet av tre måneder, sier Brækhus til avisen.

    Cecilia Brækhus
    Foto: Kristine Hirsti / NRK
  • Deumeland utskrevet

    Starts Jonas Deumeland ble fraktet bort på båre under klubbens oppgjør mot Strømsgodset i går. Klubben melder på sin nettside at tyskeren ble skrevet ut fra sykehus litt etter 23.30 i går kveld. – Jeg har litt smerter, men det går bra, sier keeperen.

    Jonas Deumeland
    Foto: Vidar Ruud / NTB scanpix
  • Ruud faller på verdensrankingen

    Tennisspiller Casper Ruud går fem plasser ned på den siste ATP-rankingen og er nå på 143. plass. Rafael Nadal beholder posisjonen som verdensener. Nordmannen er for tiden i USA og forbereder seg til kvalifiseringen til US Open.

    Casper Ruud
    Foto: Daniel Bockwoldt / AFP

Sendeplan

Kl. Program Kanal
Morgensport og musikk
NRK Sport Live
NRK Sport Live
NRK Sport Live
Sport i dag
4-4-2 Eliteserien: Bodø/Glimt - Odd