NRK Meny
Normal

På desse dagane vil ho ta fleire medaljar åleine enn heile OL-troppen greidde

Sarah Louise Rung (26) skal delta i sju symjeøvingar på ti dagar i Paralympics.

Sarah Louise Rung

TRAVELT: Sarah Louise Rung med kalenderen som viser konkurransedagane i Rio. Fem kryss betyr gullsjansar, spørsmålsteikna markerer medaljesjanse

Foto: Dag Robert Johansen / NRK

– Eg har som mål å ta fem medaljar, seier Sara Louise Rung. Ho vil gjere det betre enn sist, seier Rung til NRK.

Sist betyr Paralympics i London i 2012. Då deltok ho i fem øvingar. Det gav to gull og to sølv.

– I eit meisterskap har eg alltid lyst til å gjere det betre enn det førre. Derfor håpar eg at dette meisterskapen skal vere det beste i min karriere – både tidsmessig og medaljemessig.

– Med fem medaljar vil du gjere det betre enn heile den norske OL-troppen til saman?

Ho smiler litt av det.

– Ja, eg har fått høyre det. Men eg vel å sjå på det som OL del 1 og 2. Så tar vi medaljestatistikken som samla oppgjer etter Paralympics.

– Ei utfordring å nullstille seg

Ho skal konkurrere i sju av ti dagar. Det gir store utfordringar, ikkje minst mentalt.

– Du skal halde deg oppe og «vere på» over lang tid, og samstundes nullstille etter kvar konkurranse for å gjere deg klar til neste, seier ho.

Rung har tre-fire favorittøvingar, og dei er naturleg nok prioriterte. På 200 meter fri og 50 meter butterfly er ho tittelforsvarar.

– 50 fri og 50 rygg er mine svakaste distansar, men eg skal også der gi konkurrentane kamp før det blir delt ut medaljar. På 100 fri og 50 fly er eg i jagarposisjon.

Ho er topp førebudd til Paralympics.

– Alt har gått som det skal. Støtteapparatet er godt, alt ligg til rette. Eg har ingenting å klage på. Og eg er nokså trygg på det eg skal gjere.

– Eg merkar at eg har fått eit favorittstempel, men det synest eg er berre gøy.

Drøymer om felles OL og Paralympics

Det er selt halvannan million billettar til øvingane i Paralympics, og det er venta «stinn brakke» over alt.

Rung trenar saman med funksjonsfriske i kvardagen heime, og drøymer om at OL og Paralympics ein gong kan bli slått saman til eitt arrangement

Men ho innser at det kan ha sine utfordringar.

– Våre symjekonkurransar strekkjer seg over ti dagar, og det går over mange dagar også i OL. Symjing i 18–20 dagar treng i beste fall svært god planlegging. Men det er draumen. Eg ser på meg sjølv som ein toppidrettsutøvar, seier Sarah Louise Rung.

Allereie i morgon, den første konkurransedagen, skal Rung i aksjon på 200 m fri. Og ho gler seg.

– Eg kan vere heilt roleg, så brått grugledar eg meg litt. Det er slik det skal vere før ein viktig konkurranse, seier Sarah Louise Rung.

Siste nytt

  • Russisk OL-komité støttar deltaking

    Russlands OL-komite vil støtte utøvarar som deltar i OL i Korea under nøytralt flagg, melder nyheitsbyrået RIA.

    IOC har utestengt Russland frå OL på grunn av dopingjukset i Sotsji i 2014, men vil tillate at inviterte russiske utøvarar får delta under nøytralt flagg.

  • – Flaut, sa Zucca

    Mats Zuccarello scora på straffe, men New York Rangers tapte likevel 1-2 etter straffer for Dallas. – Det er pinleg å spele to periodar utan å vinne ein einaste nærkamp, seier Zuccarello til NTB.

    Rangers fekk si utlikning fire minutt før full tid. – Vi fekk det poenget vi fortente minst sidan eg kom hit, seier Zucca.

    Mats Zuccarello
    Foto: Bill Kostroun / AP
  • Ingen Stina Nilsson i Toblach

    En forkjølet Stina Nilsson deltar ikke i de to verdenscuprennene i langrenn i Toblach til helgen.

    Nilsson vant sprinten i Davos sist lørdag. I søndagens 10 kilometer i fri teknikk endte hun på 31.-plass.

    Verdenscup ski nordiske grener.
    Foto: Terje Bendiksby / NTB scanpix

Sendeplan

Kl. Program Kanal