NRK Meny
Normal

Russisk dopingskandale i handballen: – Trur ikkje dette er bevisst doping

Tre kvinnelege spelarar på det russiske U19-landslaget som tok EM-sølv er tatt i doping. Den norske U19-trenaren trur ikkje det er bevisst doping.

Håndball

TATT: Tre russiske U19-spelarar er tatt i doping etter sommarens EM.

Foto: Jon Olav Nesvold / NTB scanpix

Nyheita slår ned som ei bombe i handballverda.

Norge møtte Russland i den første kampen i dei innleiande rundane i meisterskapen i august.

Vigids Holmeset

TRENAR: Vigdis Holmeset er trenar for Norges U19-landslag.

Foto: Svein André Svendsen

Vigdis Holmeset er trenar for det norske U19-landslaget. Ho trur at dei russiske jentene ikkje har dopa seg med vilje.

– Eg tenkjer at dette ikkje er bevisst doping. Dette er 18 år gamle jenter som er heilt i starten av karriera si. Det kan ikkje vere slik at ein juksar seg til gode resultat då, fordi det får ufattelege konsekvensar for slike unge utøvarar, seier Vigdis Holmeset til NRK.

– Må lære

Det Europeiske Handballforbundet (EHF) opplyser at éin spelar testa positivt på eit forbudt stoff i dei innleiande rundane.

Mens ytterlegare to spelarar testa positivt i sluttspelet i meisterskapen.

Norge tapte til slutt 27-22 mot Russland, etter at det stod 11-11 til pause i EM.

Holmeset understrekar at landslaget jobbar aktivt med dopingførebygging.

– Våre jenter må vere veldig varsame med kva dei puttar i seg. Vi må lære av dette og halde fram med å følgje opp våre spelarar. Det gjer vi allereie med antidopingprogram og informasjon. I tillegg følgjer både lege og fysioterapeut opp våre spelarar, seier Holmeset.

Straff ikkje klar

Trenaren opplyser at alle spelarane på U19-landslaget har gjennomført «Ren Utøver»-programmet til Antidoping Norge.

– Det gjer dei minst éin gong i året, seier Holmeset.

Det russiske laget tok til slutt EM-sølv i meisterskapen.

Kva straff som ventar dei tre spelarane er forebels uklart. EHF skal komme med eventuelle straffesanksjonar seinare denne månaden.

Fleire skandalar

Russisk idrett har blitt knytt til fleire store dopingsaker i fleire ulike idrettsgreiner dei siste åra, med påfølgande utestengingar.

Blant anna skal minst 1 000 russiske idrettsutøvere skal ha vore ein del av Russlands dopingprogram fra 2011 til etter Sotsji-OL i 2014, ifølge Mclaren-raporten som kom i fjor.

Blant 643 positive dopingtestar som kom fram i rapporten, var 7 gjort innan handballen i åra 2012-2015, ifølgje WADA.

Siste nytt

  • Canada slått av Tyskland

    Canadas hockeylag nådde ikke finalen i OL etter et sensasjonelt nederlag for Tyskland i semifinalen fredag. Tyskland vant 4-3 og møter OUR i finalen søndag. Bronsekampen mellom Canada og Tsjekkia spilles lørdag.

    Tyskland hockey
    Foto: Jung Yeon-je / AFP
  • Kristoff nummer åtte etter velt

    Alexander Kristoff fikk en tung fredag i Abu Dhabi Tour. Syklisten endte på åttendeplass på den 3. etappen av rittet etter at han endte i asfalten 45 kilometer før målgang. Tyske Phil Bauhaus knep seieren. Kristoffer Halvorsen ble nummer 13, mens Sven Erik Bystrøm trillet inn som nummer 38.

    Alexander Kristoff
    Foto: Giuseppe Cacace / AFP
  • OUR klare for hockeyfinale

    De russiske hockeyherrene er klar for OL-finalen etter 3-0-seier over Tsjekkia i semifinalen. Nikita Gusev, Vladislav Gavrikov og Ilja Kovaltsjuk scoret målene for OUR.

    I finalen venter Canada eller Tyskland.

    Pyeongchang 2018 Winter Olympics
    Foto: Grigory Dukor / Reuters

Sendeplan

Kl. Program Kanal
OL-magasin