Reiten i form for Chelsea
Guro Reiten viste at forma hennar er på plass, då Chelsea besigra Reading i Women's Super League på laurdag.
Før ti minutt var spela var det nettopp Reiten som sendte Chelsea i føringa. Ho tok imot ballen på bakarste stolpe, tok ei berøring før ho kontant plasserte den i nettmaskene.
Men det var stjernespelaren Fran Kirby som nok ein gong stal rampelyset då blåtrøyene vann 3–1 i London-regnet. Ho hadde målgjevande pasning på alle tre måla til Chelsea, som i tillegg til Reiten blei skåra av Sam Kerr og Bethany England.
Sigeren sendte Chelsea opp på tabelltoppen, før dei andre topplaga har spela sin kamp i den fjerde runden i den engelske toppserien.