Niki Lauda er død: – Ein legende har forlate oss

Den austerrikske formel 1-legenda døydde i går.

Niki Lauda

LEGENDE: Niki Lauda er ein av dei store i formel 1-historia

Foto: Lisi Niesner / Reuters

– Ein legende har forlate oss. Kvil i fred, seier Jenson Button, tidlegare verdsmeister, etter Laudas bortgang.

Andreas Nikolaus Lauda fylte 70 år i februar.

Lauda blei verdsmeister i formel 1 tre gonger, men det er kanskje ulukka i 1976 og det utrulege comebacket etterpå han blir hugsa best for.

1. august 1976 blei han stygt skadd under ein krasj på Nurburgring, men overraska og imponerte alle ved å vere tilbake i bilen allereie seks veker etterpå – eitt av idrettshistorias mest sensasjonelle comeback.

50 sekund i 800 grader

Niki Lauda, Brett Lunger

ULUKKA: Her blir Laudas bilvrak frakta vekk etter ulykka på Nurburgring i 1976

Foto: Hill / AP

Niki Lauda låg an til å forsvare tittelen frå året før då han krasja i Tysklands Grand Prix på Nurburgring-bana.

Bilen snurra av bana i tiande runde, trefte murveggen og tok fyr. Lauda sat fast i den brennande bilen, og konkurrentane kom springande til og fekk han ut av vraket.

– Det verste var skaden på lungene etter å ha pusta inn flammar og gassar i 50 sekund. Det var rundt 800 grader der, fortalde han mange år seinare.

– Opprørt av presten

Han låg i koma i fleire dagar etterpå, og legane trudde ikkje han kom til å overleve. Presten kom for å gi den siste velsigninga. Det likte ikkje Lauda.

– Eg blei så opprørt av prestebesøket at eg la endå meir krefter i å ikkje døy, sa Lauda seinare.

Allereie ved løpet i Monza seks veker seinare var han tilbake og køyrde inn til ein fjerdeplass.

– Frykta sat djupt i meg då eg sette meg bak rattet igjen. Men eg greidde å kome over den, sa Lauda.

Etter ulukka brukte han alltid ein raud cap for å skjule såra han hadde fått i hovudet etter brannen. Seinare har Ferrari-folket alltid brukt raude caps i formel 1-sirkuset.

Niki Lauda, James Hunt

«THE RUSH: Rivaliseringa mellom James Hunt og Niki Lauda i 1976 – inkludert krasjet og Laudas mirakuløse comeback – har blitt film

Foto: Nuck Ut / AP

Film om Lauda og erkerivalen

Laudas rivalisering med den britiske McLaren-føraren James Hunt om VM-tittelen i 1976 blei Hollywood-film – «The Rush». Den spanskfødde skodespelaren Daniel Bruhl spela rolla som Niki Lauda.

I filmen blir det skildra korleis Lauda argumenterte for å avlyse løpet på Nurburgring på grunn av det kraftige regnveret, men får avslag.

Lauda hadde blitt verdsmeister året før, i 1975, og makta å ta tittelen tilbake i 1977, begge for Ferrari.

I 1979 la han opp. – Eg gidd ikkje køyre rundt i sirklar lenger, sa han.

Flykrasj

Men då McLaren bladde opp store pengar, let han seg lokke tilbake, og blei verdsmeister igjen i 1984.

Totalt tok han tre VM-titlar, 25 løpssigrar og 54 pallplassar.

Etter sin aktive karriere gjekk han over til luftfart, og grunnla Lauda Airlines. Men også der var han uheldig. I 1991 krasja eitt av flya hans i Thailand, og alle 223 ombord mista livet.

Lauda måtte gjennom ein lungetransplantasjon i august i fjor, som ein langtids-konsekvens av lugneskaden frå 1976. Tidlegare i år fekk han lungebetennelse då han var på ferie på Ibiza, og døydde i går.

Siste nytt

  • Supertalentet til spansk basket

    Harald Frey har herjet i den amerikanske college-basketen de siste årene. Nå har nordmannen skrevet under sin første profesjonelle kontrakt med den spanske klubben Oviedo Baloncesto, skriver han selv på Instagram.

    – Neste kapittel. Begeistret for å ha blitt en del av Oviedo-familien og signere min første proffkontrakt, skriver nordmannen.

  • Viktor Hovland likt med Tiger Woods

    Viktor Hovland falt ytterligere på resultatlista på dag tre i PGA-mesterskapet lørdag. Han deler 59.-plassen med golflegenden Tiger Woods. Før den avsluttende runden på Harding Park-banen i San Francisco i dag ligger Hovland to slag over par.

    Victor Hovland på PGA-turnering i San Fransisco lørdag 8.8.2020
    Foto: Sean M. Haffey / AFP / NTB Scanpix
  • Messi-magi da Barcelona gikk videre

    Da Barcelona og Napoli møttes i Italia endte det 1-1, men på spansk jord ble det vanskeligere for italienerne å få med seg et godt resultat.

    Lionel Messi scoret et kunstmål og skaffet en straffe da Barcelona vant 3-1 (4-2) og sikret en plass i semifinalen i Mesterligaen.

    Champions League - Round of 16 Second Leg - FC Barcelona v Napoli
    Foto: Albert Gea / Reuters

Sendeplan

Kl. Program Kanal