Hopp til innhold

Meir trøbbel for Skeid

Verken Stabæk eller Fredrikstad klarte å sette ballen i mål og måtte sjå seg fornøgd med eitt poeng kvar. Skeid gjekk på sitt fjerde strake tap i 1. divisjon.

Toppkampen mellom Stabæk og Fredrikstad blei eit sjansesløseri utan like og enda 0–0 på Nadderud. Bærums-laget legg seg dermed inn på tredjeplass på tabellen. Fredrikstad er heilt nede på 10.-plass.

I kampen mellom Raufoss og Skeid fekk Oslo-laget seg nok ein trykk. Skeid står med fire strake tap og berre tre poeng denne sesongen. Med ein målforskjell på 12–23 ligg dei helt sist i ligaen. Markus Seehusen Karlsbakk sikra 1-0-seier for Raufoss.

Start gjekk på eit forsmedeleg heimetap mot nyopprykka Kongsvinger. Det var superveteranen Adem Güven som sikra sigeren for gjestene i det 74. speleminutt. Med 1-0-siger på Sørlandet klatrar Kongsvinger opp til 11.-plass, medan Start er på 8.-plass.

Skeid depper
Foto: Beate Oma Dahle / NTB

Siste nytt

  • Stjerneduellen avlyst: - Feiging

    Tungvektsboksaren Tyson Fury seier det ikkje blir noko britisk stjernemøte mellom han sjølv og Anthony Joshua fordi kontraktsfristen er gått ut.

    Joshua sa så seint som søndag at han akta å signere kontrakten som vil realisere tungvektsduellen mot Fury. Samtidig sette Fury måndag klokka 17 britisk tid som frist for at papira måtte vere underteikna.

    Då den omtalte fristen var gått ut, var etter seiande ingenting på plass.

    – Det er offisielt. D-dagen har kome og gått. Det har passert klokka 17 måndag, og ingen kontrakt er underteikna. Det er offisielt over for Joshua, seier Fury i eit innlegg på Instagram.

    – Han er no ute i kulda saman med ulveflokken. Gløym det. Idiot. Feiging, heldt tungvektstjerna fram.

    Vidare ønskte han Joshua lykke til med den vidare karrieren og livet.

    Joshua var på si side tydeleg søndag på at ting ville ta noko tid. Han viste til at juridiske rådgivarar jobba med kontrakten.

    Tyson Fury og Anthony Joshua
    Foto: FAYEZ NURELDINE] [RINGO CHIU / AFP
  • Treigt dansk billettsal til fotball-VM

    Det danske herrelandslaget i fotball er populært, men førebels er det berre selt 2000 billettar til danske fans før det omstridde VM-sluttspelet i Qatar.

    Det gir eit snitt på færre enn 700 billettar fordelt på dei tre gruppespelkampane til Danmark. Direktør Jakob Jensen i Det danske fotballforbundet (DBU) opplyser om billettsalet til Ekstra Bladet.

    – Vi gir gjerne danskane rettleiing om opphaldet, men vi arrangerer ingen fanzoner eller har andre aktivitetar i Qatar, for vi ønsker ikkje å støtte opp om landet, seier Jensen til avisa.

    Det er under to månader til fotball-VM. Kritikken av Qatar, i tillegg til dyre hotellprisar, har vore med på å skremme vekk danske supporterar, skriv nyheitsbyrået Ritzau.

    Ifølge Ekstra Bladet kan danske supporterar i teorien legge beslag på mellom 3000 og 5000 billettar til kvar kamp. DBU har fråssagt seg rettane til å distribuere billettane.

    Danmark jubler
    Foto: RITZAU SCANPIX DENMARK / Reuters
  • Vil ha bandy-VM utan Russland

    Sverige håpar å arrangere eit etterlengta VM i bandy i 2023. Det blir i så fall utan russisk deltaking.

    VM i bandy for menn har ikkje vore avvikla sidan i 2019. Pandemien og Russlands krigføring i Ukraina har stoppa arrangementet dei siste åra.

    No jobbar Sverige med å arrangere eit VM i 2023. Til den meisterskapen blir likevel ikkje regjerande meister Russland invitert, skriv SVT. Planen er i staden at Finland, Noreg, Kasakhstan, USA, Tyskland, Estland og Ungarn skal utgjere deltakarnasjonane.

    Helt uproblematisk er det likevel ikkje å arrangere eit VM utan Russland. Landet har lenge hatt mykje å seie i internasjonal bandy, mellom anna i form av fleire styrerepresentantar i Det internasjonale bandyforbundet (Fib).

    Pär Gustafsson, generalsekretær i Det svenske bandyforbundet, seier likevel at eit 2023-VM i Sverige uansett vil få offisiell status.

    – Det blir eit VM akkurat som alle andre, fullt sanksjonert internasjonalt. Det ville bety veldig mykje om VM blir arrangertt, då det vil vise at bandyen fungerer trass i verdssituasjonen, seier han til den svenske allmennkringkastaren.

    Bandy-VM i Irkutsk
    Foto: Terje Lübeck / NTB

Sendeplan

Kl. Program Kanal
Spilleliste med 62 klipp
Sport
Spiller nå
Haaland om anklagene mot City-eierne: – Drøye ord 01:20
Neste