Viktor Hovland gjekk på par i 3. runde av US Open laurdag kveld, og var nummer 10 då han var ferdig med runden. Hovland fekk tre bogeyar og tre birdiar.
Samanlagt er han to slag over par, sju bak Matthew Wolff som leier.
US Open er årets andre majorturnering, og blir avslutta søndag.
Med 2-0 over Mjøndalen klatra Sarpsborg 08 til sjuandeplass på tabellen. Mjøndalen er framleis på nedrykksplass.
Mustafa Abdellaoue scora på straffe etter berre fem minutt, og Ole Jørgen Halvorsen like før pause.
Erling Braut Haaland held fram der han avslutta for Borussia Dortmund sist sesong.
Jærbuen kunne notere seg to mål, då Dortmund vann 3–0 over Borussia Mönchengladbach i sesongpremieren i tysk Bundesliga.
Første Haaland-mål kom på eit iskaldt straffespark etter 54 minutt, etter at Giovanni Reyna først hadde gitt heimelaget 1–0.
Haaland la på til 3–0 etter fantastisk kontringsfotball. Han sprang nærast heile bana i rekordfart og fekk servert ballen på sølvfat frå Jadon Sancho. Den ballen dunka han kontrollert i mål.
Sancho såg også ut til å ville ta straffesparket, men det var til slutt Haaland som fekk æra.
– Ja, det stemmer. Han laga mål i sist kamp. Eg hadde ein god følelse i dag og det var veldig fint å score. Sommer prøvde å kome seg inn i hovudet mitt, men han hadde ikkje sjanse. Det var eit vakkert minutt, sa nordmannen til Viasat etter kampen.
I sesonopninga var også publikum tilbake på Signal Iduna Park.
– Det var fantastisk. Eg har sakna dette, og det gav oss ekstra energi. Vi vann dette saman, sa ein smilande Haaland.
