Hopp til innhold

Lærte trening og ernæring på YouTube – vann 11,5 millionar

Viktor Hovland tok sin andre siger i PGA-touren søndag. Men vegen dit har vore innhaldsrik. No fortel nordmannen om hans eksperiment med nye diettar og treningsplanar.

Viktor Hovland

VANN: Viktor Hovland sette den birdien han måtte og tok sin andre PGA-siger

Foto: Hector Vivas / AFP

Søndag tok Viktor Hovland sin andre siger i PGA-touren. Ein avgjerande birdie på siste hol skaffa han eit flott trofé og 11,5 millionar kroner i premiepengar.

– Eg var veldig letta då putten gjekk i. Det er ein veldig pressa situasjon å senke putt på siste og vinne. Eg var ikkje spesielt roleg der ute. Så det var veldig herleg å setje putten og få det overstått, seier Hovland til NRK.

No fortel Hovland om korleis dette spesielle unntaksåret med korona har gjort han til ein betre golfspelar. Og det inneheld ein del spesielle eksperiment i den tre månader lange pausen tidlegare i år.

– Eg har byrja å ta ernæring og fitness meir seriøst, fortel ein open Hovland.

Eksperimenterte

Mykje tid er blitt brukt på golfbana saman med romkameratar og lagvenner på Oklahoma State. Heldigvis for han og hans golfglade venner, har banene i Oklahoma vore opne gjennom heile korona, og difor føler han ikkje at Covid har påverka han i så stor grad.

Men mykje tid er også brukt heime på sofaen, og det er der han fekk tanken om å prøve noko nytt og skaffe seg ny lærdom.

– Eg såg mykje på YouTube for å lære meir om generell ernæring og fysiologi. Korleis bygge musklar og korleis eg skal ete og trene med tanke på det eg driv med. I staden for å ete få gangar om dagen, så et eg litt oftare, litt meir protein og litt mindre feitt. I tillegg har eg byrja å trene med vekter, i staden for å berre springe som eg gjorde før, fortel han til NRK.

Men før han landa på den oppskrifta, var det fleire andre diettar som vekka interessa hans.

– Eg var inne på nokon trend-diettar, ein del rare ting for å sjå korleis kroppen min ville fungere. Det skjønte eg kjapt at ikkje var noko for meg, fortel han til PGA Tour.

– Korleis diettar var det?

– I Puerto Rico prøvde eg periodisk fasting. Då åt eg ingenting før klokka 13.00, og det gjorde til at eg ikkje hadde ete noko som helst før etter eg var ferdig på bana. Det var ikkje vegen å gå for meg, seier Hovland.

Periodisk fasting er ein måltidsplan som gjer at ein fastar i ein gitt periode i døgnet. Vanlegvis har ein eit etevindauge på åtte timar.

– Kor viktig er ernæring i golf?

– Det er vanskeleg å seie kor mykje det har å seie på spelet, det er mest for min eiga helse sin del, seier han til NRK.

Tett til siste slutt

Det 12. holet gav bogey, og han blei innhenta. Han slo tilbake med birdiar på dei to neste. Deretter kjempa han side om side med Aaron Wise. Men Wise missa birdie på dei to siste hola, dermed var det matchball for Hovland.

Viktor Hovland

YESS: Viktor Hovland kan slå fast at putten er perfekt, og at sigeren er i boks

Foto: Hector Vivas / AFP

Og iskaldt senka han putten og fekk birdien han hadde behov for. Han enda på 20 under par, etter seks under par på avslutningsrunden.

– Eg visste at eg måtte senke putten for å vinne, og eg hadde mista ein litt kort ein på hol 15 som var relativt lik, I tillegg mista eg ein putt på 17 som eg følte at eg hadde gode sjansar for å få i. Så dersom eg hadde missa på 18 så hadde det vore litt surt, seier han.

– Kjende du nokon gong på presset?

– Eg følte ikkje at eg hadde noko press, men blei litt stressa mot slutten. Særleg etter at eg slo eit dårleg andreslag på hol 16 og ikkje sette birdieputten på hol 17. Då trudde eg at sigeren glapp, sa han i sigersintervjuet etterpå.

– Kva vil du seie om spelet ditt?

– Eg har spelt solid i heile helga, men det har gått litt dårlegare på dei ni siste hola gjennom dei fire dagane. Eg visste at eg var med i sigerskampen og måtte berre stole på spelet mitt, sa den sindige nordmannen til Eurosport etter sigeren.

Resultatlista frå turneringa i Puerto del Carmen

Kjemperunde på laurdag

Hovland opna turneringa i meksikanske Playa del Carmen med ein sterk runde med fire slag under par torsdag. Fredag trøbla han litt meir, men enda likevel to slag under par.

Laurdag gjekk han også i leiarballen, og leverte ein kjemperunde. Han opna med ein bogey, men etterpå sat birdiane på rekke og rad. Det enda med åtte under par, tangering av Hovlands personbeste på PGA-touren.

– Vi har fått ein spelar i verdstoppen i ein verdsidrett, slo Eurosports kommentatorar Per Haugsrud og Henrik Bjørnstad fast.

Med 14 under par var han på tredjeplass før den avsluttande runden søndag. Då gjekk han ut til slutt, i leiarball same med Tom Hoge og Emilio Grillo, som låg høvesvis eitt og to slag framfor nordmannen.

Klatrar på verdsrankingen

23-åringen blei ikkje profesjonell før i fjor sommar. Han har allereie ein siger i PGA-touren då han vann Puerto Rico Open i februar i år.

I november blei han den beste golfspelaren i Norden då han klatra til 25.-plass på rankinga. Etter sigeren i Mexico har han no byksa opp på 15. plass, den beste plasseringen ein norsk golfspelar har fått nokonsinne.

Hovland har spela inn over 41 millionar kroner så langt i karrieren og sikra seg gigantiske sponsorkontraktar verdt fleire titals millionar med fleire av dei største bedriftene i verda.

Neste på programmet for Hovland er World Tour Championship i Dubai, som er avslutninga på Europatouren, før ein liten juleferie heime i Noreg. Han har ikkje sett foreldra på snart eitt år.

Kristoffer Ventura deltok også i Puerto del Carmen, men greidde ikkje cuten og fekk ikkje spele dei to siste rundane.

Siste nytt

  • Tennisstjerna skjelte ut dommeren: – Er du dum?

    Nick Kyrgios kunne juble etter å ha vunnet en jevn kamp mot Stefanos Tsitsipas, men underveis fyrte australieren på alle plugger.

    For da Tsitsipas slo en ball mot nedre delen av tribunen, stormet Kyrgios mot dommeren. Han mente at motstanderen burde blitt disket, men ble ikke hørt.

    – Kan du slå en ball inn blant publikum og treffe noen og ikke tape kampen? Er du dum? tordnet han.

    Dommeren valgte å gi en advarsel til Tsitsipas og spurte Kyrgios om ballen traff noen.

    – Ja, den gjorde det. Så nå må du bli skadet? Du er en skam. Du endrer reglene akkurat som du vil, sa den frittalende tennisprofilen.

    Wimbledon
    Foto: HANNAH MCKAY / Reuters
  • Nadal enkelt videre i Wimbledon

    Tennisikonet Rafael Nadal (36) fikk en lett reise til fjerde runde i Wimbledon-turneringen. Han lekte med Lorenzo Sonego i tre strake sett.

    Spanjolen vant kveldskampen på centercourten med sifrene 6-1, 6-2, 6-4. For tiende gang er han klar for Wimbledons åttedelsfinaler.

    Gress er ikke Nadals favorittunderlag. Kun to av hans 22 Grand Slam-titler har kommet i Wimbledon (2008 og 2010). Går han til topps i London, vil veteranen vært ett steg nærmere å vinne samtlige fire GS-turneringer i ett og samme kalenderår. (NTB)

    Britain Wimbledon Tennis
    Foto: Alastair Grant / AP
  • Kofstad med superspill i Irland – kjemper i teten

    Golfspiller Espen Kofstad gikk tredje runde av europatourturneringen Irish Open sju slag under par. Han er på delt 5.-plass og for fullt med i seierskampen.

    Nordmannen er tolv slag under par etter en serie på 67-72-65. En stund toppet han resultatlistene lørdag, men ble senere jekket noen hakk ned.

    Før siste dag er han kun to slag bak den polske lederen Adrian Meronk. (NTB)

    Sommer-OL i Rio 2016.
    Foto: Erik Johansen / NTB

Sendeplan

Kl. Program Kanal
Spilleliste med 43 klipp
Sport
Spiller nå
Ski-VM er endelig tilbake på NRK! 01:00
Neste