Her er UCIs nye våpen mot mekanisk doping

Den hemmelege metoden som avdekka tidenes første tilfelle av motorjuks er avslørt. Sjå video av testinga i saka.

Motordoping

VIDUNDER-BRETTET: Her skannar kontrollørar ein sykkel for motorjuks med ny teknologi.

Foto: Team Lotto Jumbo NL

Juks med elektriske motorar har skapt storm i sykkelsporten den siste månaden.

Eitt av dei store samtaleemna har vore korleis Det internasjonale sykkelforbundet (UCI) avslørte såkalla mekanisk doping under VM i sykkelcross i januar.

Til no har UCI nekta å snakke om den nye og revolusjonerande testmetoden.

Men i eit videoklipp frå rittet Omloop Het Niewsblad viser det nederlandske profflaget Team Lotto Jumbo korleis det heile foregår.

Sjå video her:

Fietsmotor controle voor de start van Omloop het Nieuwsblad. +++++ Bike motor check at the start of Omloop het Nieuwsblad.

Publisert av Team Jumbo-Visma Cycling Lørdag 27. februar 2016

Med eit ipad-liknande brett skannar kontrollørane sykkel etter sykkel effektivt utan å skru dei frå kvarandre.

– Det er rett og slett eit brett som skannar magnetisme. Ein motor med batteri vil gje frå seg ein viss magnetisme. Det gir utslag på dette brettet, seier president i Norges Cycleforbund, Harald Tidemann Hansen.

Forhindrar hektiske situasjonar før start

Brettet har ein skala frå ein til ti, som gjør det mogleg å sjå graden av magnetisme i sykkelen.

Tidemann Hansen

SYKKELPRESIDENT: Harald Tidemann Hansen.

Foto: Ruud, Vidar / NTB scanpix

– Om talet er lågt er det ingenting å uroe seg for. Kjem 10-talet fram er noko gale, og vi må skru sykkelen frå kvarandre, seier Philippe Marien i UCIs disiplinærkomité til road.cc.

I fjor gjennomførte UCI stikkprøvar ved å skru eit fåtal syklar frå kvarandre før ritt. Då kunne det hende at laga som blei testa fekk det travelt med å rekke starten.

Den nye metoden er langt bedre. Førre helg fekk UCI sjekka heile 139 syklar under Omloop Het Nieuwsblad i Belgia.

– Det er eit system som gjør det veldig enkelt å teste mange syklar. Utstyret gir ein veldig rask indikasjon på om det er noko ulovleg i ramma eller hjulet, seier Tidemann Hansen.

– Med denne testmetoden trur eg ikkje motorjuks vil vere noko problem i framtida, legg han til.

Vil ha testing i norske ritt

Ifølge sykkelpresidenten kostar eit test-brett mellom 60.000 og 70.000 kroner.

Femke Van Den Driessche

TATT PÅ FERSKEN: Femke Van Den Driessche blei avslørt for juks med elektronisk motor under VM i sykkelcross i januar.

Foto: Afp

Det belgiske forbundet har investert tungt i teknologien, og handla inn brett for rundt ein halv million kroner for å kunne gjennomføre omfattande testing under ritt som Flandern Rundt og De Panne, som Alexander Kristoff vann i fjor.

Tidemann Hansen ser også for seg at det også kan bli gjennomført kontrollar under norske Tour des Fjords, Arctic Race og Tour of Norway denne sesongen.

Men på grunn av den høge prisen trur han Norges Cycleforbund må vente med å kjøpe inn teknologien.

– Vi har ikkje sett av pengar til å kjøpe inn i år, men etter kvart som det blir produsert fleire vil prisen truleg gå ned, seier Tidemann Hansen.

Siste nytt

  • Verdensrekordholder mister VM

    Verdensrekordholderen på 1500-meter, Genzebe Dibaba (28) fra Etiopia, trekker seg fra VM i Doha. I en pressemelding hun har lagt ut på Instagram, forteller Dibaba at hun har fått diagnosen plantar fascitt, en fotskade som er relativt vanlig i friidrett. Hun pådro seg skaden under Diamond League-finalen i Zürich. Den tidligere verdensmesteren har verdens nest beste tid på 1500 neter i år.

    ATHLETICS-DIAMOND/LAUSANNE
    Foto: DENIS BALIBOUSE
  • Sa nei til Manchester City

    Bodø/Glimt sin Håkon Evjen skal ha takka nei til å spele for Manchester City. I staden valte han den nederlandske klubben AZ Alkmaar, skriv VG. – Eg er veldig nøgd med valet, sjølv om det var freistande med ein av verdas største klubbar, seier han til avisa. 19-åringen skreiv denne veka ein kontrakt på fire og eit halv år med AZ Alkmaar. Bodø/Glimt skal ha fått rundt 25 millionar kroner for Evjen.

    Bodø/Glimts Håkon Evjen
    Foto: Mats Torbergsen / NTB scanpix
  • Atletico reddet poeng på overtid

    Juventus fikk en god start på årets mesterligasesong da de tok ledelsen 2–0 mot Atlético Madrid på bortebane, men hjemmelaget kom knallsterkt tilbake. Juan Cuadrado og Blaise Matuidi sørget en 2-0-ledelse til laget fra Torino, mens Stefan Savic reduserte til 2-1 20 minutter før full tid. På overtid sørget Hector Herrera for at det ble ett poeng til begge lagene i sesongdebuten. I den andre kampen i gruppen sørget Lokomotiv Moskva for en fin start på turneringen, da de slo Bayer Leverkusen 2–1 i Tyskland.

    X01622
    Foto: SUSANA VERA

Sendeplan

Kl. Program Kanal