NRK Meny
Normal

– Grindheim gjør ein fantastisk jobb

Han er ein av landslagets viktigaste menn, men får for lite ros for den viktige jobben han gjør.

Grindheim

I RAMPELYSET: Christian Grindheim i medias søkelys før Norge - Danmark.

Foto: Åserud, Lise / Scanpix

11. februar 2009 scora Christian Grindheim (27) sigersmålet mot Tyskland i Drillos første kamp i hans andre landslagstrenar-epoke.

– Det var greit å score det målet under Egil (Olsen). Sånn sett var eg med på å gi laget eit lite løft med at vi vann den kampen. Det var eit lite «turning point» for alle gutane innad i landslaget etter eitt år utan siger, seier Grindheim.

Hangeland: – Ikkje overraska

Hangeland

- VIKTIG SPELAR: Brede Hangeland meiner Grindheim er ein særs viktig spelar for Norge.

Foto: Åserud, Lise / Scanpix

Sidan kampen i Düsseldorf har han vore fast på landslaget og markert seg fleire gonger.

– Eg føler eg har ein god posisjon i landslaget no. Eg startar alle kampane og Egil (Olsen) har stor tru på meg, seier haugesundaren.

Landslagskaptein Brede Hangeland er einig i at Grindheims scoring for to år sidan var eit vendepunkt for landslaget.

– Og at han har tatt ein plass på laget og er ein viktig spelar for oss er eg ikkje overraska over, legg Hangeland til.

(artikkelen held fram under biletet)

Norge feirer scoringen til Christian Grindheim mot Tyskland

Landslaget feirar Christian Grindheims scoring i 1-0 sigeren mot Tyskland i Düsseldorf i 2009.

Foto: Martin Meissner / AP

«Moa»: Han fortener meir skryt

Tyskland-proff Mohammed Abdellaoue meiner den lavmålte vestlendingen ikkje får merksemda han fortener.

Moa

FANTASTISK: Grindheim bør få meir skryt i media, meiner Mohammed Abdellaoue.

Foto: Aas, Erlend / Scanpix

– Kanskje han ikkje får så mykje skryt gjennom avisoppslag, men han gjør ein fantastisk jobb for både klubb og landslag. Om ein ser kva jobb han legg ned ser ein at han fortener meir skryt, seier Abdellaoue.

Må ikkje fokusere på media

Ein som skryt Grindheim opp i skyene er assistenttrenar Ola By Riise. Han oppfordrar spelaren til å høyre på sine eigne.

– Det er viktig at spelarar bryr seg minst mogleg om media og mest mogleg om dei tilbakemeldingane dei får direkte frå det miljøet dei jobbar saman med, seier assistenttrenaren.

Fotballnyheter

Videoklipp

En viktig scoring for Norge av Martin Ødegaard mot Irland.
Se alle målene her.
Se alle målene her.