Evensen: – Fordel at Tande ikkje vann

GARMISCH-PARTENKIRCHEN (NRK): Johan Remen Evensen meiner fjerdeplassen i det fyrste i hoppveka var perfekt for Daniel-André Tande. Sjølv elskar Tande posisjonen han har før nyttårshopprennet

Tande hos fansen i Garmisch

POPULÆR: Daniel-André Tande brukte god tid hos hoppfansen før han reiste til hotellet for nyttårsfeiring med laget.

Foto: Bendiksby, Terje / NTB scanpix

Ingen brukte lenger tid hos fansen enn Daniel-André Tande etter kvalifiseringa i Garmisch-Partenkirchen.

Han har blitt ei stor stjerne i hoppgale Tyskland, sjølv om han har kvitta seg med det største favorittstempelet etter fjerdeplassen i det fyrste rennet.

Det er berre ein fordel meiner hoppekspert Johan Remen Evensen

Takla ikkje presset i Oberstdorf

– Det er fordel for Tande at han er i angrepsposisjon. Hadde han leia hoppveka i dag hadde han fått alle auga mot seg. Han viste jo i går i fyrsteomgangen i går at han ikkje takla det presset og forventingane så bra. Nå er han på skuddhold og kan førebu seg i ro og fred, seier Evensen

Fred var det ikkje lett å få på sletta i går, men Tande var tolmodig og gav fansen ein drøss med selfiar og autografar.

Daniel Andre Tande med fansen

SELFIE: Tande påpeiker at hopparane er avhengig av fansen for å leve idretten, derfor synest han det er viktig å gje noko tilbake.

Foto: Gjermund Midtbø / NRK

Og posisjonen som fjerdemann samanlagt 12,3 poeng bak leiande Stefan Kraft lever han godt med.

– Det er heilt sant som Johan seier. Eg likar meg veldig godt i angrepsposisjon. Det er kanskje derfor eg har ein tendens til å hoppe meg såpass mykje oppover på lista i andre omgangar også, seier Tande.

Hata bakken i fjor

Men bakken i Garmisch-Partenkirchen er ein hoppbakke Tande ikkje har gode minner frå.

– I fjor kom han med diverse kraftige meldingar. Han sa han hata bakken og ville brenne bommen, men han kjem hit med ein heilt anna form i år, seier ekspert Evensen med eit smil.

TAnde med Evensen og Clas Brede

FORDEL: NRKs hoppekspert Johan Remen Evensen trur fjerdeplassen samanlagt er perfekt før nyttårshopprennet for Tande.

Foto: Bendiksby, Terje / NTB scanpix

Kongsberg-hopparen er også langt forsiktigare i ordbruken dette året og føler han har begynt å bli ven med ovarennet som han sleit med i fjor.

– Eg har alltid synest det har vore ein bakke som passar meg bra, eg har berre slite litt med bommen. Men i år føler eg at eg fiksar den også.

I kvalifiseringa i går enda Tande på ein litt skuffande åttandeplass, men han er trygg på at forma er god nok til å knappe inn på forspranget til teten samanlagt på årets fyrste dag.

– Eg skal prøve å knipe litt igjen i morgon, og ta litt jamt og trutt. Så får me sjå korleis det ender til slutt. Det blir veldig jamt, men eg skal vere veldig offensiv, seier Tande før han kastar seg inn i bussen med lagkameratane.

Nyttårshopprennet ser du på NRK1 frå 13.50 og dei norske duellane er som fylgjer:

Daniel Andre Tande–Tom Hilde

Andreas Stjernen–Dmitriy Vassiliev

Halvor Egner Granerud–Michael Hayböck

Anders Fannemel–Stefan Hula

Robert Johansson–Anze Semenic

Siste nytt

  • Uavgjort for Ødegaards Vitesse

    Nederlandske Vitesse og Martin Ødegaard spilte 1–1 borte mot Utrecht i den første kvalifiseringskampen til europaligaen fredag. Vertene tok ledelsen etter 18 minutter, før Tim Matavz utlignet etter et Ødegaard-hjørnespark før pause.

    AFP_1FG2X3
    Foto: OLAF KRAAK / AFP
  • Norge U20 tapte VM-åpningen

    Norge tapte 1-3 mot Uruguay i sin første kamp i U20-VM i Polen fredag. Søramerikanernes Darwin Nunez satte et nydelig skudd i nettet etter 22 minutter, før Francisco Ginella økte etter svakt, norsk forsvarsspill åtte minutter senere. Christian Dahle Borchgrevink reduserte like etter pause, men tre minutter før full tid punkterte Brian Rodriguez kampen. Norge møter New Zealand på mandag.

  • Verdensrekord i debuten

    Sprinter Salum Kashafali løp inn til verdensrekord under et parafriidrettsstevne i Sveits fredag. Rekordtiden var 10,58. Dette var 25-åringens debut i parafriidrett, og han stiller i klassen T-12 for svaksynte.

    Salum Kashafali
    Foto: Norges friidrettsforbund

Sendeplan

Kl. Program Kanal