- Det største høgdepunktet er Tour de Ski

Det er duka for nye store norske prestasjonar på snødekte konkurransearenaer når vinteren like om hjørnet. Dette kan du vente deg av norske høgdepunkt denne sesongen.

Vinter

Aksel Lund Svindal, Johan Remen Evensen og Petter Northug nærmar seg sesongstart.

Ellevill jubel, store skuffelsar, rivalisering, medaljar og rekordar. Alt dette ventar når sesongen snart er i gang.

Her er dei store spenningsmomenta denne sesongen, ifølgje NRKs kommentatorar.

Langrenn

Jann Post

Jann Post meiner er stor sannsynlegheit for norsk jubel i Tour de Ski denne sesongen.

Foto: Larsen, Håkon Mosvold / SCANPIX
Bjørgen

Vil Marit Bjørgen vere like suveren i Tour de Ski som ho har vore i OL og VM dei to siste åra?

Foto: Wiklund, Anders / Scanpix
Sejersted

Lotte Smiseth Sejersted er heilt aleine på kvinnesida i verdscupsirkuset

Foto: FRANCK FIFE / Afp

– Det største høydepunktet denne sesongen er Tour de Ski. Spørsmålet er om Norge tar heim sigeren der. Aldri før nokon av våre utøvarar lukkast i å gå til topps. Denne gongen har vi to store moglegheiter med Petter Northug og Marit Bjørgen. Sistnemnde har tidlegare stått over Tour de Ski for å prioritere OL og VM. Dette kan bli Marits år i touren, seier kommentator Jann Post.

– I tillegg blir det spennende å sjå om fleire tar steget opp til Northug, Johnsrud Sundby, Rønning. Dette kan for eksempel vere Finn Hågen Krogh.

Skiskyting

– Det blir spennande å sjå om Emil Hegle Svendsen tek revansje mot Tarjei Bø i verdscupen. I tillegg har vi Ole Einar Bjørndalen som har sagt han vil halde fram til OL i 2014, men om han ikkje leverer toppresultater denne sesongen heller kan det være slutt, seier kommentator Jon Herwig Carlsen.

– På kvinnesida er håpet at Tora Berger ikkje blir ei einsleg svale. Ho er ganske aleine som norsk kvinne i toppen no, held Carlsen fram.

Alpint

Ein sesong utan meisterskap er på treppene for alpin-eliten, men likevel blir det ein viktig sesong sett med norske auger.

Norges to aller største håp, Aksel Lund Svindal og Kjetil Jansrud, har ein del å revansjere etter ein fjorårssesong der det var langt mellom høgdepunkta.

– Jansrud vann ikkje noko verdscuprenn førre sesong, men han var veldig nær. Å få ein siger blir viktig for han. I tillegg har han sagt at han vil bli ein allround-alpinist. Det blir spennande å sjå om han kjem nærare det denne sesongen, seier NRKs alpint-kommentator, Lars Lystad.

Også VM- og OL- vinnar Lund Svindal er tydeleg sugen på å heve seg eit par hakk dette året.

– Aksel må finne tilbake til den sterke posisjonen han hadde i fartsdisiplinene utfor og super-G. Den mista han litt i fjor. No har han køyrt meir intensiv testing av utstyr, noko han ikkje fekk gjort så mye av framfor førre sesong. Eg trur Aksel får ein bra sesong der det blir viktig å komme nærare suverene Ivica Kostelic, seier Lystad.

På kvinnesida er det ikkje mykje å rope hurra for. Den einaste som kan sørge for norsk jubel er fjorårets store overrasking, Lotte Smiseth Sejersted.

– Ho fekk sitt store gjennombrot då ho sikra femteplassen i utfor i verdscupavslutninga i Lenzerheide i mars. Det blir spennande å sjå om ho tar eit nytt steg mot verdstoppen denne sesongen, seier Lystad.

Hopp

Remen

Johan Remen Evensen sette verdsrekord under prøve-VM sist sesong. Dette vinter-året får han prøve seg på ny i Vikersund.

Foto: DANIEL SANNUM-LAUTEN / Afp

Det er duka for lange svev i Vikersund også denne sesongen. I februar set hopparane utfor i VM-bakken Johan Remen Evensen sette verdsrekord under prøve VM førre sesong.

– Det blir sesongens store høgdepunkt, slår Scheie fast.

I tillegg er skiflygingsbakkane Kulm, Obersdorf og Planica på verdscupprogrammet. Det er til fordel Norge, trur Scheie.

– Nordmenn er tradisjonelt sett betre i skiflyging enn i vanleg K 120-bakke. I dei vonde åra før Mika Kojonkoski tok over meinte dei fleste at dei norske hopparane redda sesongen ved å prestere godt i verdscupavslutninga i Planica.

Og her er hopparane Scheie har best tru på denne sesongen:

– I verdscupen samanlagt blir det Tom Hilde. I skiflygingsrennene blir det Johan Remen Evensen og Bjørn Einar Romøren.

– I tillegg kjem det alltid nokre nye opp. Kanskje blir det Anders Fannemel som imponerer i år, seier Scheie.

Snowboard

– Torstein Horgmo på heimebane blir ein fryd å sjå. Det er også stor spenning knytta til Ulrik Badertscher. Han har evner til å overraske, seier NRKs snowboard-kommentator, Thomas Lerdahl.

Men det er ikkje bare Horgmo og Badertscher som stikk seg fram. Også Gjermund Braaten kan bli eit overraskingsmoment.

– Han går mot skadefri sesong etter å ha fått øydelagd mykje i sesongoppkøyringa dei to siste åra. Det blir spennande å sjå om den tidlegare norgesmeisteren i hallingkast også får ein tittel i snowboard, seier Lerdahl.

Skøyter

Sverre Lunde Pedersen

Sverre Lunde Pedersen kan nærme seg Håvard Bøkko denne sesongen, meiner kommentator Ove Eriksen.

Foto: GIAMPIERO SPOSITO / Reuters

Trudde du skøyteløp ville bli tamt denne sesongen? Då må du tru om igjen. Skøytekommentator Ove Eriksen fortel kva du bør sjå opp for:

1. Forholdet mellom Bøkkos CBA og landslaget

Framfor sesongen forlot Norges aller største utøvar, Håvard Bøkko, landslaget til fordel for privatlaget CBA. Eriksen er spent på kva følgjer overgangen vil få.

– Spenninga ligg i kor mykje betre Håvard Bøkko kan bli når han har Peter Mueller tilbake som trenar igjen. Håvard blei nummer to i allround-VM førre sesong. Denne sesongen blir målet å vinne det heile.

Les meir under biletet!

Bøkko

Hege og Håvard Bøkko går for Peter Muellers lag denne sesongen.

Foto: Junge, Heiko / Scanpix

2. Dei unge utfordrarane

– Det norske landslaget har dei tre beste juniorane i verda. Denne sesongen vil det store spørsmålet vere kor mykje dei kan nærme seg dei aller beste i eliten. Juniorverdsmeister Sverre Lunde Pedersen, som også trumfa inn til sjetteplass i allround-EM, er kanskje den framste av desse. Denne sesongen får vi til dømes sjå kor mykje han kan nærme seg for eksempel Håvard Bøkko, seier Eriksen.

– Vi kan også få jenter som snuser på pallen i vinter. På CBA har vi Hege Bøkko som trener med bror Håvard under Mueller. Ho har fått det som ho ønsker. No står det att å sjå om ho kan gjere det betre. På landslaget er Ida Njåtun den sterkaste.

3. Skøytesportens store mann Sven Kramer er tilbake

– Han gjorde eit veldig bra comeback på 3000 meter i Inzel. Tida 3.44 er veldig bra. Dette tyder på at Kramer verkeleg blir å rekne med. Om han kjem tilbake til formen han var i då han blei olympisk meister og verdsmeister i allround gjenstår å sjå.

Kombinert

I år er dobbelt så mange renn som i fjor , så kombinertløperne har 27 verdenscupseirer å kjempe om i stedet for 14.

Arne Scheie tror det blir nok et år med Mikko Kokslien og Magnus Moan i toppen.

– Eg ser ikkje at det er så mange fleire som kan hevde seg heilt i toppen, seier Scheie.

I tillegg er det bare å holde øynene åpne for en ny kombinert-komet. Den som har imponert i sommertreningen er nemlig Magnus Krog, som har vunnet de fleste testrennene.

Siste nytt

  • Disse drar til prøve-VM

    Verdenscupleder Jarl Magnus Riiber får med seg sju lagkamerater til prøve-VM i Oberstdorf.

    Jarl Magnus Riiber, IL Heming
    Einar Oftebro, IL Jardar
    Espen Andersen, Lommedalens IL
    Jørgen Graabak, Byåsen IL
    Espen Bjørnstad, Byaasen Skiklub
    Kasper Moen Flatla, IL Jardar
    Jens Lurås Oftebro, IL Jardar
    Magnus Krog, Høydalsmo IL

    Jarl Magnus Riiber
    Foto: Stian Lysberg Solum / NTB scanpix
  • Djokovic enkelt videre i Australia

    Novak Djokovic hadde ingen problemer med å ta seg videre til tredje runde av Australian Open. Natt til onsdag slo tittelforsvareren japanske Tatsuma Ito.

    Ito, ranket som nummer 146 i verden, kunne lite å stille opp med mot den serbiske verdenstoeren. Djokovic vant komfortabelt 6-1, 6-4 og 6-2.

    Novak Djokovic
    Foto: Greg Wood / AFP
  • 82-5. Er det håndballrekord?

    Det er ikke bare i Europa det spilles håndballmesterskap for tiden. Det aller første i Sør-Amerika startet i dag og Argentina leverte noe av en verdensrekord da Bolivia ble slått 82-7. Ved pause sto det 42-5!

Sendeplan

Kl. Program Kanal