NRK Meny
Normal

Aamodt om Kristoffersen-søksmål: – Forstår at han gjer det

Kjetil André Aamodt forstår at Henrik Kristoffersen går til sak mot skiforbundet. Han meiner forbundet har skapt dette problemet sjølv.

Kjetil Andre Aamodt

SKEPTISK: Kjetil André Aamodt trur søksmålet mot skiforbundet vil gå utover dei sportslege prestasjonane til alpinlandslaget.

Foto: NRK

– Eg forstår at han gjer det han gjer. Alle utøvarar ønskjer å ha dei same retningslinjene.

NRKs alpinekspert Kjetil André Aamodt seier at han skjønar reaksjonen til Henrik Kristoffersen.

For i går kunne NRK avsløre at Kristoffersen går til sak mot Norges Skiforbund. Det er fordi han ikkje får lov til å inngå avtale med den private sponsoren Red Bull.

Men Aamodt trur det vil slå negativt ut, både for Kristoffersen og landslaget.

– Problem skapt av skiforbundet

– Henrik er ein ung utøvar. Eg trur dette påverkar han negativt. Det er først og fremst han som tapar på dette. Men det er også han som har sett hardt mot hardt, seier Aamodt.

Han trur dette kan vere negativt for laget, men meiner ansvaret ligg på skiforbundet. Problemet starta då dei godtok særavtalen til Aksel Lund Svindal.

– Eg er heilt overbevist om at dette skapar splitting i gruppa, noko som egentleg har vore der heilt sidan avtala til Lund Svindal kom på plass. Dette problemet er skapt av skiforbundet.

Den norske landslagsmodellen

Norges Skiforbund er på si side krystallklare på at dei ikkje kjem til å gi etter for søksmålet, og vil stå på sitt. Generalsekretær Stein Opsal seier til NRK at slike saker utfordrar heile grunnlaget til toppidretten.

Stein Opsal

FRYKTAR: Stein Opsal i skiforbundet fryktar for grunnlaget til toppidretten.

Foto: Poppe, Cornelius / NTB scanpix

– Det er ein veldig viktig sak, for det dreiar seg om kven som eig marknadsrettigheitane til utøvarane. Det er det basale for korleis ein finansierer idretten. Viss utøvarane sjølv kan disponere sine private sponsorar forsvinn grunnlaget for toppidretten, seier Opsal.

Og det er Aamodt heilt einig i. Han trur den gjeldande praksisen er den beste modellen for å sikre rekruttering til idretten.

– Eg trur personleg den modellen me har no er den beste for å sikre framtidig rekruttering til sporten.

Men han er klar på at ein no må ta diskusjonen rundt kva som er best for framtida til norsk alpinidrett.

– Den norske landslagsmodellen er under press. Diskusjonen no er om dette er ein modell for framtida.

– Urettferdig

Far til Henrik Kristoffersen, Lars Kristoffersen, sa til NRK i går at sonen føler seg urettferdig behandla.

– Det er andre utøvarar som har det, så det er litt urettferdig. Det burde vore likt for alle, seier Lars Kristoffersen.

ALPINE SKIING-MEN/WENGEN Kristoffersen of Norway reacts after winning the men's Alpine Skiing World Cup slalom in Wengen

GÅR TIL SAK: Henrik Kristoffersen har gått til sak mot skiforbundet.

Foto: RUBEN SPRICH / Reuters

Han sikta då blant anna til avtalen Aksel Lund Svindal har med Red Bull, som gjer at han kan køyre med deira logo på hjelmen.

– Den avtalen som blei gjort for Aksel Lund Svindal var i ei veldig spesiell tid for norsk alpinsport. No handlar det om å finne retningslinjer som gjer at alle utøvarane er nøgde.

Siste nytt

  • Zuccas nye sjef klar

    51 år gamle David Quinn er ansatt som ny trener for Mats Zuccarellos NHL-klubb New York Rangers. Quinn kommer fra trenerjobben til Boston University. Quinn erstatter Alain Vigneault. Han fikk sparken bare timer etter at New York Rangers ikke tok seg til NHL-sluttspillet for første gang siden 2010.

    Mats Zuccarello Aasen
    Foto: Elsa / Getty Images
  • Ancelotti blir Napoli-trener

    Carlo Ancelotti (58) har skrevet under en treårskontrakt som trener for serie A-klubben Napoli. Ancelotti fikk sparken i Bayern München sist høst. Han erstatter Maurizio Sarri som ledet Napoli til andreplass bak Juventus. Sarri skal være aktuell som ny trener i både Chelsea og Zenit St. Petersburg.

    SOCCER-ITALY-NAP/
    Foto: Charles Platiau / Reuters
  • Viviani med sin fjerde seier

    Elia Viviani tok sin fjerde etappeseier under Giro d'Italia onsdag. Han er dermed den første italieneren på fire år til å vinne fire etapper i én og samme utgave av Giro d'Italia.

    Alle sammenlagtfavorittene kom seg helskinnet til mål, og Simon Yates er fortsatt mannen som innehar den rosa ledertrøya etter den 17. etappen over 155 kilometer fra Riva del Garda til Iseo.

    CYCLING-ITA-GIRO
    Foto: LUK BENIES / AFP

Sendeplan

Kl. Program Kanal