NRK Meny
Normal

«Deila-effekten» gir Vålerenga trua på tre nye poeng

Humøret er betre enn på lenge i Vålerenga etter ein etterlengta siger mot Start førre helg. Kan «Deila-effekten» gje tre nye poeng mot eit formsvakt Molde?

Deila

PÅ TRENINGSFELTET: Ronny Deila har innteke treningsfeltet til Vålerenga. Det har gitt utslag på innsatsen til spelarane.

Foto: Roald, Berit / NTB scanpix

Laster innhold, vennligst vent..

Ronny Deila er blitt fast inventar på treningsfeltet til Vålerenga. Det har gitt spelarane ein ekstra motivasjon for å prestere på trening.

– Det gir ein ekstra motivasjon i spelargruppa. Me veit det kjem ein ny trenar, og det er fleire som føler at dei har litt å bevise, og vil vise litt ekstra på trening.

Det seier Jonatan Tollås Nation til NRK. Han får støtte av forsvarskollega Kjetil Wæhler.

– Det ser ut som det er fleire som har teke seg i nakken. Dei ser han står på sida og følger med. Det er viktig å prestere maks no, det kjem eit neste år også, so det blir spennande å sjå kven som blir med vidare.

Vil ut av sumpen

Hovudtrenar Kjetil Rekdal er også godt nøgd med å ha den tidlegare Celtic-trenaren til stades.

Rekdal og Deila

GLER SEG TIL SAMARBEID: Kjetil Rekdal ser fram til å samarbeide tettare med Ronny Deila.

Foto: Roald, Berit / NTB scanpix

– Det er kjekt å ha han rundt oss. Han observerer, og kjem med innspel, og slik blir det til neste år også. Det blir bra, det.

Sjølv med siger mot Start, må Vålerenga finne seg i å ligge nest sist på tabellen. Med nye tre poeng mot Molde, kan dei gå forbi Aalesund og Stabæk, og klatre vekk frå nedrykksplass.

– Me er på veg ut av sumpen, og satsar på å ha eit psykologisk overtak på Molde, seier Wæhler. Han innrømmer at det har vore tunge veker på trening, men at humøret er lettare etter sigeren på bortebane.

– Ein siger og tre poeng gjer mykje med gruppa. Det var lenge sidan sist.

At tre poeng smaka godt, det er Rekdal samd i.

– Treningsmessig er det som vanleg, men det hjelp på humøret.

– Lukkast ikkje kvar helg

Og det er heller ikkje eit Molde i storslag som ventar på Ullevaal i kveld. Moldensarane har sanka eit fattig poeng på dei siste fem kampane. Rekdal håpar at den trenden held fram.

Tollås

KUNSTIG SMIL: Jonatan Tollås Nation trur det var fleire lagkameratar som strevde litt ekstra for å halde smilet oppe i den tunge perioden.

Foto: Bendiksby, Terje / NTB scanpix

– Dei har slite litt dei også, forhåpentlegvis slit dei i ein kamp til. Det blir ein tøff og viktig kamp.

Rekdal påpeikar at det er vanskeleg å prestere i kamp etter kamp, men at det hadde vore herleg å komme seg vekk frå botnstrida.

– Du vinn ikkje alle kampane dine. Du lukkast ikkje kvar helg. For oss handlar det om å ta poeng, og komme seg unna den ubehagelege nedstrykkstreken.

Forsvarar Tollås Nation trur dei svake resultata har påverka mentaliteten i laget, sjølv om det ikkje har synt seg på trening.

– Eg tippar det var mange som gjekk rundt med eit kunstig smil dei siste vekene, sjølv om ikkje alt var bra.

Siste nytt

  • Ny remis for Carlsen

    For andre dag på rad tok sjakkspelar Magnus Carlsen eit halvt poeng med svarte brikker i Sinquefield Cup. Partiet mot Vishy Anand enda i remis. Carlsen hadde tidleg eit lite overtak, men etter kvart jamna partiet seg ut.

    Magnus Carlsen
    Foto: Patrick Huerlimann / AP
  • PSV på vei, Benfica sliter

    To tidligere serievinnercupvinnere skaffet seg vidt forskjellig utgangspunkt i mesterliga-kvaliken tirsdag kveld.

    PSV vant 3-2 borte mot BATE Borisov etter scoringer av Gastón Pereiro, Hirving Lozano og Donyell Malen, mens Benfica bare klarte 1-1 hjemme mot greske PAOK.

    Salzburg, uten skadde Fredrik Gulbrandsen (lår), spilte 0-0 borte mot Røde Stjerne i Beograd

    Lozano
    Foto: Sergei Grits / AP
  • Poengtap for Mjøndalen

    Opprykksjagende Mjøndalen måtte nøye seg med 1-1 hjemme mot Åsane i 1. divisjon fotball tirsdag. Dermed klarte ikke serietreeren å ta tilbake annenplassen på tabellen.

    Mjøndalen kjemper for opprykk til Eliteserien. Søndag ble Vegard Hansens gutter passert av Viking.

    NM fotball menn, 4. runde: Mjøndalen - Haugesund
    Foto: Fredrik Hagen / NTB scanpix

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Sport i dag
Cupen: Kvartfinale, LSK Kvinner - Vålerenga