NRK Meny
Normal

– Bolt kan springe 100 meter på 9,40

Verdas raskaste mann, OL-favoritten Usain Bolt, kan forbetre seg med ytterlegare 0,18 sekund på 100 meter, meiner britisk professor.

Bolt

Usain Bolt kan sprenge nye grenser på 100 meter, meiner britisk matteprofessor.

Foto: DAVID GRAY / Reuters

Det er snart tre år sidan jamaicanske Bolt sette ny verdsrekord på 100 meter.

I ettertid har mange spurt seg om han er i stand til å presse ned sensasjonstida på 9,58 frå VM i Berlin.

No meiner matteprofessor John Barrow frå universitetet i Cambridge at det langbeinte fartsfantomet, som denne sommaren kjem til Bislett Games like før OL i London, kan sprenge nye grenser.

Barrow har nemleg rekna ut kor mykje raskare Bolt kan flytte med ein god start og perfekte vindforhold.

– Dette handlar om å skape eit bilete av kor raskt eit menneske verkeleg kan springe, seier Barrow til nyheitsbyrået Reuters.

– Må forbetre reaksjonstida

Briten har mellom anna analysert Bolts reaksjonstider etter at startskotet går på 100 meter. Dei er generelt treige samanlikna med andre elitesprintarar sine tider.

Her ligg Bolts første rom for forbetring.

– Ei 100-metertid er summen av to element: Reaksjonstida etter startskotet, og den faktiske løpetida.

– Om Bolt presser reaksjonstida ned til 0,13 sekund, som er heilt OK, vil han lett forbetre tida på 9,58. Det kan kanskje bare vere snakk om fem hundredelar, så har han forbetra verdsrekorden.

VIDEO: Denne tida kan Usain Bolt forbetre, meiner matteprofessor Barrows

Usain Bolt i det han løper inn til ny verdensrekord på 9,58.

Usain Bolts rekord på 100 meter i VM.

– Dette kan han gjere under perfekte forhold

Barrow har også rekna seg fram til tida Bolt kan få i perfekt medvind (to meter i sekundet) og minimal luftmotstand.

– Med perfekte forhold og god reaksjonstid kan Bolt faktisk passere 100 meter på 9,4 sekund, utan å springe noko særleg raskare enn sist, seier Barrow.

– Poenget mitt er at vi enno ikkje har nådd grensa for kor raskt eit menneske kan flytte på distansen, meiner professoren.

Siste nytt

  • Xavi blir værende i Qatar

    Tidligere Barcelona-spiller Xavi Hernández har skrevet under en ny toårskontrakt med Al-Sadd. Dermed blir den spanske 38-åringen værende i den qatarske ligaen til han fyller 40 år. Xavi har spilt for Al-Sadd siden 2015.

    SOCCER-SPAIN/ Barcelona's Messi celebrates his goal against Sevilla with teammate captain Hernandez during their Spanish first division soccer match at Nou Camp stadium in Barcelona
    Foto: GUSTAU NACARINO / Reuters
  • Vidal tiltalt for vold

    Bayern München-stjernen Arturo Vidal er tiltalt for kroppskrenkelse etter en voldsepisode på en nattklubb i byen i fjor høst. Statsadvokaten i München opplyser at strafferammen for det Vidal er tiltalt for er fengsel i inntil 10 år.

    Vidal
    Foto: Matthias Schrader / AP
  • Lyon vann meisterligafinalen

    Med Ada Hegerberg på scoringslista vann Lyon meisterligafinalen med 4-1 mot tyske Wolfsburg. Med sitt eine mål blei Hegerberg tidenes toppscorar i turneringa med 15 mål. Wolfsburgs Caroline Graham Hansen måtte gå av i pausen grunna ei skade.

    Ada
    Foto: Efrem Lukatsky / AP

Sendeplan

Kl. Program Kanal
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Sport i dag