Avgifta inneber at det totalt vil koste 30 kroner å køyre inn i byen i morgonrushet.
Politikarane nølar
- For det første syns eg at bilistane i Kristiansand har stor nok belasting med den nye bomringavgifta som snart kjem. For det andre ser eg ikkje at vi har så store problem i denne byen at vi blir nøydde til å innføre ei rushtidsavgift, seier Hægeland til NRK Sørlandet.
Dei politiske partia i Kristiansand og nabokommunane skal utover høsten ta stilling til innføring av rushavgift. Politikarane, inkludert ordføraren i Kristiansand, nølar med å ta standpunkt, men lokallagsleiaren er no klinkande klar i si anbefaling.
Går imot
- Der er veldig mange som bur eit stykke utanfor byen som må ha litt fleksibilitet i sin kvardag, som gjer at det er naturleg for dei å ta bilen. Eg trur slik situasjonen hos oss er veldig forskjellig om vi samanliknar oss med Stockholm eller London. Det er ikkje det presset her. Det burde vere mogleg å løyse dette på ein meir naturleg måte, enn å innføre ei slik avgift, seier ho.
Det blir garantert skarp debatt om denne saken utover hausten. Torsdag kveld held Arbeiderpartiet eit stort møte for å finne ut kva partiet skal gå for.
- Vi har fått rapporten på bordet, og etter det eg har lese vil mi anbefaling vere å ikkje gå inn for rushtidsavgift, avsluttar Hægeland.
