Politidirektøren pressekonferanse måndag føremiddag, då han la fram politidirektoratet sitt svar til politianalysa.
Totalt kan det bli seks politidistrikt i landet.
Vil redusere talet på tenestestader
– Eg anbefaler at vi jobbar vidare med ein modell med seks politidistrikt, sa Humlegård på pressekonferansen.
På pressekonferansen kom det fram at politidirektøren vil redusere talet på tenestestader frå 354 til 210.
Ernst Olav Lunde.
Foto: Leif Hallgeir Dalen / NRK– Vi vil ha eit politi som er meir tilgjengeleg når hendingane skjer, sa han.
– Ved å lage meir robuste politidistrikt, kan ein få betre politikompetanse på bakken der folk bur. Får vi seks politimeistrar, er det også mogleg for dei å sitje i ei nasjonal leiargruppe, sa politidirektøren.
Politiets fellesforbund er kritisk
Men leiaren i politiets fellesforbund på Agder, Ernst Olav Lunde, er kritisk til å slå saman politidistrikt til større einingar.
– Det bør utgreiast meir. Vårt mantra er lokalt nærpoliti og i tillegg ein god kvardagsberedskap, seier Lunde til NRK.
– Det blir store geografiske område å flytte seg på. Vi trur ikkje at alt vil føregå digitalt og elektronisk. Menneske må forflytte seg relativt mykje innan eit distrikt og då er avstandane ganske store, seier han.
