– Vi har hatt ei auke på fire prosent i juli og vi har hatt ein kundevekst på 4,5 prosent. Eg trur det skuldast det stabilt dårlege vêret, seier senterleiar på Amfi Arena i Arendal, Marianne Sørbøe til NRK.no.
– Turistby
– I tillegg er Arendal ein travel by. Vi har aktivitetar som skjer heile tida. Vi har nok av langope, Canal Street, sommarmarknad, det skjer noko heile tida. Arendal er ein turistby, seier ho.
Sørlandssenteret i Kristiansand opplevde ei auke i omsetning på heile 20 prosent. Hovudårsaka til det er at senteret har fått langt fleire butikkar.
Ved ein av landsdelens største butikkar, Coop på Stoa i Arendal, har juli slått alle rekordar.
– Heilt fantastisk
– Den har vore veldig bra. Når det er litt grått ute, ser vi at kundane kjem. Det er vi godt nøgde med, seier dagleg leiar Tomas Karlsen.
Det er særleg måndagane som peikar seg ut med mest handel denne sommaren.
– Måndagane har vore særs gode når helga kanskje har vore litt trist. Måndagen før Hovefestivalen slo vi alle rekordar. Det var heilt fantastisk, seier Marianne Sørbøe.
