Olsbu enda til slutt på ein 69. plass over åtte minutt bak Darya Domracheva frå Kviterussland som vann distansen i Østersund.
Olsbu pådrog seg fire tilleggsminutt på standplass.
– Det var kjempetungt. Det var berre heilt forferdeleg, seier Olsbu til NRK.
Drøymde om siger i natt
Det var vanskelege forhold i løypa, som sørlendingen ikkje takla.
– Det var kjempelaust og eg følte eg stod og stampa og ikkje hadde framdrift, seier skiskyttaren som er inne i sin første sesong på elitelandslaget.
Frolendingen fortel at ho drøymde om 20 treff og siger i natt. Slik vart det definitivt ikkje.
– Eg får håpe det skjer ein gong seinare, ler ho.
– Det er litt for dårleg på alle skytingane. Eg dreg med meg den defensive kjensla frå løypa inn på standplass. Då vert det litt sånn halvvegs, seier skiskyttaren.
- Les også: Marte Olsbu nummer 10 på fellesstarten
Eckhoff nummer sju
Olsbu har som mål å gå seg inn på stafettlaget til VM seinare denne sesongen. Det trur ho er realistisk.
– Eg hadde ein litt ruskete sommar, men har hatt kjempeframgang i haust. Forma har berre peika oppover, så det var litt kjipt å få ein slik start som i dag, seier ho.
Tiril Eckhoff vart beste nordmann på ein 7. plass. Eckhoff var nesten to og eit halvt minutt bak Darya Domracheva i mål med to tilleggsminutt.
