Start kom best i gang på Sør Arena, og hadde fleire sjansar tidleg i kampen til å ta leiinga.
- LES: Kampen minutt for minutt
- SJÅ: Alt om eliteserien
Etter 15 minuttar spel prøvde backen Rolf Daniel Vikstøl seg med eit skot frå 25 meter. Skotet gjekk 30 centimeter over tverrliggjaren til Stabæk-keeper Jan Kjell Larsen.
Scora mot gamleklubben
Etter 32 minutt sende Espen Hoff Start i leiinga. Hoff har tidlegare spelt i nettopp Stabæk.
Fem minutt før pause kom Hoff rundt på kanten og slo inn. Men ingen i feltet klarte å tuppe ballen i mål. Minuttet seinare heada Avni Pepa like utanfor på eit hjørnespark. Stillinga var dermed 1-0 til Start til pause.
I andre omgang gjekk Stabæk ut i hundre. Allereie etter eitt minutt spel utlikna bærumsklubben til 1-1 ved Pálmi Rafn Pálmason.
Fem minutt seinare holdt Start på å rote det skikkeleg til i eige forsvar. Eit dårleg tilbakespel frå Jesper Mathisen lagde trøbbel for keeper Kenneth Høie, som i siste liten fekk banka ballen vekk.
– Fantastisk lagmoral
I det 55. minutt fekk heimelaget ein kjempemoglegheit til å gå opp i leiinga igjen. Petter Bruer Hanssen stod heilt umarkert, men klart på uforklarleg vis å heade over.
Tre minutt seinare var bortelaget i angrep. Alain Junior Ollé Ollé hamra ballen i motsett kryss frå omtrent 15 meter, og det stod 1-2 på Sør Arenal. Tre minutt seinare var Pálmi Rafn Pálmason igjen på farten og sende Stabæk opp i leiinga 3-1.
Berre tre minutt seinare tente Start nytt håp om tre poeng. Ole Martin Årst reduserte til 2-3. Men Stabæk gjekk rett i angrep, der Veigar Pall Gunnarsson sende bortelaget opp i 4-2, som også vart sluttresultatet på Sør Arena.
– Det var ein fantastisk kamp. I andre omgang er vi gode. Vi scorar fine mål og har ein utruleg lagmoral i gruppa. Det er fantastisk, sa Stabæk-trenar Jørgen Lennarstsson til TV2 etter kampen.
