03.26 Kristiansand: Politiet fekk melding om høg musikk og feststøy frå ei leilegheit. Politiet var festbrems og dempa både fest og musikk.
03.15 Kristiansand: Politiet gjennomførte ein promillekontroll på Vesterveien. Totalt vart 75 bilistar kontrollert, og ingen var mistenkt for ruskøyring.
02.46 Kristiansand: Ein mann i 30-åra vart teken med mindre mengde narkotika. Mannen vart seinare dimittert, opplyser politiet.
02.10 Kristiansand: Ein mann (21) var meld for urinering på offentleg stad.
02.05 Arendal: Ein person vart send til legevakta for sjekk etter å ha blitt slått ned på Myrene. Politiet har sikra seg personalia på to personar og ventar på eventuell politimelding frå ein av dei.
Arendal: Politiet måtte vekke ein mann som låg og sov utanfor Arendal postkontor.
01.38 Kristiansand: Ein rusa mann i 30-åra vart vist bort frå sentrum resten av natta.
01.09 Lillesand: Tre personar var involvert i eit slagsmål på ein utestad. Ein mann og ei kvinne vart vist bort frå staden.
00.53 Kristiansand: Ein 22 år gammal mann vart vist bort frå sentrum for resten av natta. Årsaka var at han hadde krangla med ei dørvakt på ein utestad.
00.03 Arendal: Politiet fekk melding om eit slagsmål. Politiet opplyser at det var roleg då dei kom fram til staden, men ein mann vart vist bort. Ei kvinne vart sett i arresten på grunn av rus, opplyser politiet.