NRK Meny
Normal

Nok eit tap for Start

Tapsrekkja for Start held fram etter at stillinga til slutt enda på 1-4 mot Bodø/Glimt fredag kveld på Sør Arena.

Start - Bodø/Glimt

Assistenttrenar Øyvind Dalseth og trenar Steinar Pedersen måtte halde igjen jubelen for IK Start etter 1-4 tapet mot Bodø/Glimt.

Foto: Schrøder, Tor Erik / NTB scanpix

Laster innhold, vennligst vent..

IK Start trengde seks poeng for å kome seg opp til ein trygg plass i serien, men kunne diverre ikkje ta med seg dei naudsynte tre poenga etter tapet mot Bodø/Glimt på Sør Arena fredag kveld.

Etter 32 spelte minutt gjekk gjestane i leiinga då Bodø/Glimt-spelar Trond Olsen sikra det første målet.

Gleda var stor blant gultrøyene då Start-spelar Chidiebere Nwakali utlikna etter 57 minutt.

Men det var forgjeves då Bodø/Glimt-spelarane Henrik Furebotn og Jens Petter Hauge scora kvar sitt mål innan kampen var omme.

Start har ikkje vunne på sine 29 siste kampar i Tippeligaen, sidan 4-1 heime mot Stabæk 4. juli i fjor. Dette er tidenes lengste rekke utan siger i øvste divisjon, framfor Sandefjords 27 kampar i 2010.

Dette er første gang i historia at Start står utan siger på sine 14 første kampar i ein Tippeliga-sesong. Aldri har laget hatt like få poeng etter 14 kampar, sju poeng då laget rykka ned i 2002 er nest svakast.

Før sigeren i dag hadde ikkje Bodø/Glimt vunne på sine fem siste besøk i Kristiansand i Tippeligaen og 1. divisjon, sidan 3-0 siger i oktober 2002.

Det tilsvarande oppgjeret i fjor enda 1-1 den 13. mai. Danny Cruz (6’) scora for Glimt, medan Rolf Daniel Vikstøl (8’) scora for Start.

Steinar Pedersen

Sjå intervju med Start-trenar Steinar Pedersen.

Intervju med Tapio Heikkelä etter Start - Bodø/Glimt.

Sjå intervju med Start-spelar Tapio Heikkelä.