– Mål per innbyggjar er gjelda i fleire tilfelle dobla dei siste fem-seks åra. Dette gjer kommunane sårbare, seier økonomiprofessor, Sigbjørn Sødal ved Universitetet i Agder til Fædrelandsvennen.
Risiko
Ein gjennomsnittleg nordmann er belånt med 35 000 kroner - sørlendingane ligg altså høgare enn dette.
– Sjølvsagt er lånegjelda vår høg, men den er eit resultat av at politikarane våre ynskjer å gjennomføre ein del tiltak, seier rådmann i Lindesnes, Ståle Kongsvik.
Rådmannen i Søgne, Kim Høyer Holum, meiner mange kommunar vert freista til å investere i tider med låg rente, utan å vurdere risikoen. Dersom renta aukar med ein prosent, vil Søgne få nesten fire millionar i auka utgifter.
Fire milliardar i gjeld
Ifølgje Fædrelandsvennen vel mange å betale minimale avdrag og ta opp endå fleire store lån.
– I Søgne betalar vi no gjeld etter avskrivingstida. Det betyr at når bilen vert skrota, er den nedbetalt, seier han.
I Kristiansand har lånegjelda passert fire milliardar kroner.
– Vi ligg i taket av det vi kan handtere. Det vil vere eit prioritert mål å ha ei sterk og stram prioritering i tida som kjem, fordi investeringane slår inn på drifta, seier rådmann, Tor Sommerseth.
