Sørlandet sykehus er med på å teste ut eit nytt datasystem som skal gjere det lettare å planlegge operasjonar. Programmet skal erstatte manuelt arbeid.
Feilen skal mellom anna ha ført til at pasientar som ikkje har vore venta har komme til operasjonsstovene.
Ved eitt tilfelle skal ein pasient som vart operert ha blitt meldt opp til ny operasjon dagen etter. Sjukehuset var i gang med å førebu operasjonen før feilen vart oppdaga, ifølgje avisa.
– Det trugar pasienttryggleiken, og det er uakseptabelt å vente lenger på å få feilen fiksa, seier klinikksjef Geir Bøhler til Agderposten.
I desember sende sjukehuset eit brev til Helse Sør-Øst der dei ber om at det vert teke tak i. I eit svar frå Helse Sør-Øst går det fram at dei vil finne ei løysing på problemet så raskt som råd.
Ifølgje Bøhler skal ingen pasientar ha blitt skada som følgje av datakrøllet til no.
