– Vi har ikkje gitt opp. Det er eit val til hausten og vi ser på moglegheita for ein lovlegheitskontroll på heile vedtaket. Vi vil sjå om dette har gått riktig for seg, seier Hans Martin Skovly i aksjonsgruppa til NRK.no.
- LES OGSÅ: Erkleiv skole blir lagt ned
Siste juleavslutning
Måndag kveld var det juleavslutning på Erkleiv skole, og det for siste gang i skulen si historie. Tidlegare denne månaden var skulen med 14 elevar vedteken nedlagt i bystyret i Kristiansand. Ifølgje vedtaket skal elevane frå Erkleiv starte på Justvik skole neste skuleår.
- LES OGSÅ: Ny skolestruktur i Kristiansand
31 politikarar stemte for ei nedleggjing, medan 22 ville at skulen skulle drivast også i framtida. Aksjonsgruppa parkerte traktorar og lastebilar føre Rådhuset i Kristiansand for å markere motstand mot nedleggjing av bygdeskulen - til inga nytte.
Held fram kampen
Men aksjonsgruppa gir ikkje opp kampen for skulen sin.
- LES OGSÅ: Ikkje fleirtal for skulenedleggjing
– Vi ynskjer å sjå på om alle formalitetane er gjort riktig. Viss det viser seg at det formelle ikkje er gjort og dei ikkje har undersøkt og sett på alle utgreiingar og konsekvensar, så har vi ei ankemoglegheit, seier Skovly.