Huset består av to leilegheiter, og det var to personar inne i huset då det byrja å brenne.
Kom seg ut
Begge kom seg ut, men ein av dei vart send til legevakta for sjekk.
– Vi fekk meldinga 06.05 i dag tidleg om ein brann på Vigeland. Det var full utrykning med brannvesen, ambulanse og politi, seier operasjonsleiar ved Agder politidistrikt, Ove Austenaa til NRK.no.
Dei to skal ikkje vere skada etter brannen.
Må avkjøle tomta
– Etter det eg har forstått går det greit med dei, seier operasjonsleiaren.
Det er for tidleg å seie noko om brannårsaka.
– Ikkje det eg har fått opplyst. Vi må vente til branntomta er avkjølt før våre teknikarar kan undersøkje staden, seier Austenaa.