– Vi er nøydde til å øve eit scenario som er så realistisk som mogleg, seier stabssjef i Agder politidistrikt Vidar Arnesen.
Onsdag formiddag heldt den samla redningstenesta i Agder ei redningsøving i Lillesand og Grimstad.
Det vart konstruert ei alvorleg hending til sjøs for at alle partar skulle få øving samtidig.
Alle mann på dekk
Alle offentlege, frivillige og private aktørar som inngår i den samla redningstenesta i Agder var på plass.
– Øvinga involverer omtrent hundre markørar, to fartøy og vi har med helikopter frå Rygge, i tillegg til landsgåande og sjøgåande ressursar.
Bakteppet er å øve slik at ein er førebudd på akutte hendingar, og dessutan å utvikle samarbeidet mellom dei ulike aktørane i redningstenesta.
Dette var mellom anna tilsette frå Agder politidistrikt, Forsvaret, brannvesenet frå Kristiansand og Grimstad, Sørlandet sjukehus i Arendal, sivilforsvaret og mange fleire.
Øvinga blir halden kvart år, og lokasjonen blir bestemt året i førevegen.
I Lillesand var det synleg røyk frå ein båt i havna.
– Scenario er masseevakuering frå fartøy der vi også skal etablere evakuert- og pårørandesenter, seier Arnesen.
Studentar fra mediehøgskulen i Kristiansand var presse.
Mediestudent Brage Heggøy seier øvinga har vore lærerik.
- Det er heilt fantastisk for oss journaliststudentar å få vere med på dette. Vi lærer om kriseøvingar, og det er god erfaring å få med seg.
- Eg lærer å jobbe under stress og å handtere det. Eg følar øvinga er veldig reell, seier Pia Sofie Ådna.
Studentane var med for å gjøre det så realistisk som mogleg, seier Arnesen i politiet.
- For å kunne øve på dette på en ordentlig måte, må vi ha med media. Vi blir stressa av dei og det må vi handtere, sier Arnesen.