– Det er ikkje morro å vere delaktig i dei måla ein får imot seg. Det følte eg hang med meg litt i fjor. Men det er gløymt no. Når ein spelar fotball må ein ta dei tinga når det går dårleg, så er det desto kjekkare når det går bra, seier Knut Henry Haraldsen til NRK.
Tøff konkurranse
Haraldsen og midstoppar-kollega Clarence Goodson hadde god kontroll gjennom heile kampen i 2-0-sigeren mot Sandefjord på Sør Arena.
– Eg følte vi hadde bra kontroll, ja. Vi kommuniserte bra, Sandefjord kjem vel eigentleg berre til nokre langskot viss eg ikkje hugsar heilt feil. Så det er veldig bra, seier Haraldsen.
Clarence Goodson er det soleklare førstevalet på midtstopparplass. Men bak han kjempar både Haraldsen, Jesper Mathisen (skada), Bård Borgersen (skada) og Avni Pepa om den siste plassen.
– Heldigvis er det ikkje eg som skal vurdere den konkurransen. Det viktigaste er å stå på når ein får sjansen. Så skal eg gjere det eg kan for å gjere det best mogleg, seier midtstopparen.
Får skryt
Haraldsen får skryt frå trenar Knut Tørum.
– Knut Henry og Clarence var fantastiske bak der i dag. Dei hadde god kontroll, seier Tørum.
Veteranen meiner tre poeng i serieopninga ikkje kan undvervuderast.
– Det er alltid godt å få ein god start og siger. Vi dreg med oss sjølvtillit. Det er alltid godt og berre positivt. Det var deilig at vi trakk det lengste strået i dag, seier han.
