NRK Meny
Normal

Halvorsen blir Arendal-ordførar

Alt tyder på at Einar Halvorsen frå Høgre blir Arendals nye ordførar. Partiet går fram med neste 16 prosentpoeng i byen.

Einar Halvorsen

HØGRE-JUBEL: Einar Halvorsen jublar for eit kjempeval i Arendal.

Foto: Sander Heggheim / NRK

– Etter alt å døme vert eg ordførar, jublar Halvorsen til NRK.no.

– Det aller første eg vil gjere er å setje saman eit godt arbeidsteam, seier han medan partikollegaene hylla han på Tyholmen Hotell.

Valresultata viser ein fantastisk framgang for Høgre. Tala viser 31,1 prosent, som vil gi 12 mandat i bystyret. Det er heile seks fleire representantar enn førre periode. Dermed er partiet desidert størst i Arendal.

Arbeiderpartiet går tilbake nesten åtte prosentpoeng og misser 3 mandat.

Mandat i kommunestyret i Arendal (oppgang/nedgang i parentes): Ap 9 (-3), Sv 3 (0), Sp 1 (-1), KrF 3 (-1), V 3 (+1), H 12 (+6), Frp 6 (-2), Andre 2 (0)