– Resultatet av den rutinemessige blodprøva viser at promilla var over straffbar grense, altså 0,2 promille, seier lensmann i Søgne og Songdalen lensmannskontor, Terje Pedersen til Lindesnes Avis.
Han vil ikkje seie kor høg promilla var, men ifølgje VG Nett skal promilla ha vore 1,27. Men overfor NRK.no vil ikkje Pedersen seie noko om kor høg promille det er snakk om.
– Eg kan verken stadfeste eller avkrefte dette. Eg vil ikkje kommentere dette ytterlegare, seier han.
- LES OGSÅ: Fire omkom i trafikkulykke
Kolliderte med lastebil
Fredag 10. september omkom fire ungdommar då bilen dei sat i kom over i feil køyrefelt i Trybakkane mellom Søgne og Mandal.
Bilen kolliderte med ein møtande lastebil. Ungdommane var i alderen 18-20 år.
LES OGSÅ: Ny kollisjon på ulykkesvei
– Prøvene har vore klare i fjorten dagar, men vi har brukt tida etter dette på kvalitetssikring av prøvene, seier Pedersen.
Rapport frå vegvesenet
Politiet vil etterforske saka vidare for å finne ut om andre faktorar kan ha spelt inn i ulykka.
- LES OGSÅ: Lovar midtdelar på ulykkesveg
– Vi har fått ein rapport frå Statens vegvesen. Men først må vi diskutere dette med påtalemakta før vi kan gå ut med noko, seier lendsmannen til avisa.
