Skal gutar på barneskolen tvinges til å tisse sittande?
Debatten har rast etter at elevene på Dvergsnes skule i Kristiansand fekk lapp med heim med grei beskjed om at alle måtte sette seg på ringen når dei skal gjere sitt fornødne på skulen.
Rektor Anne Lise Gjul seier at smågutane rett og slett er for dårlege å sikte.
Men sittetvangen har opprørt mange. Mellom dei Nancy Bakke som har ein son i andre klasse.
Reint og triveleg
Rektor Gjul synte i dag fram eit reint og triveleg toalett som både gutar og jenter bruker når dei må. Argumentet om at det er galt å tvinge borna til å sette seg er ho ikkje med på.
Etter at Fædrelandsvennen først skreiv om denne saka har debatten rast på nettstader over heile landet.
- Gjer gutar til menn
Mange meiner det å lære å stå å tisse er noko av det som gjer guter til menn. Andre sympatiserer med vaskepersonale og lærarar som helst vil sleppe dammar med urin.
Og sexolog Esben Ester Pirelli Benestad har kasta seg på. Han meiner at man skal lære seg å sitte på eit toalett.
Bøyer ikkje av
Og sittande dobesøk vert det nok framover på Dvergsnes skole og. Rektor Anne Lise Gjul vil ikkje bøye av for protestane.
Men kanskje er det nok ein eller to som føl instinktet og tisser ståande sjølv om det ikkje er lett så lett å sikte.