– Akkurat no ser det tvilsomt ut, men vi får la det medisinske apparatet halde på med det, seier Start-trenar Knut Tørum til NRK.
Midtbanespelaren måtte gå av bana i 4-3-sigeren mot Brann på søndag. No ser skaden ut til å vere så alvorleg at Geir Ludvig Fevang går glipp av morgondagens kamp mot Odd Grenland på Sør Arena.
Men Tørum trur laget vil klare seg utan kapteinen. Truleg vil Christer Kleiven overta rolla til Fevang.
– Ja, det er eitt alternativ, seier Tørum.
– Uansett har vi mange spelarar, som er i form og som har meldt seg på. Så eg trur vi skal vere mannsterke også på onsdag, seier trenaren.