Ei hytte skal allereie vere skada av eit snøras. Snøen har pressa ut fleire vindauge.
I tillegg skal raset ha treft ei anna hytte i ein vegg, men denne skal ikkje vere påført skader.
– Eg vurderer at det er ein betydleg stor snøsrasfare. Det er mykje snø att i fjellsida. Vi veit ikkje om det kjem, men dersom det kjem vil det truleg komme på hyttene som er evakuert, seier Knut Inge Repstad har stengt vegen inn til hyttene.
Hyttene ligg berre nokre få hundre meter unna Hovden Alpinsenter. Politiet evakuerer hyttene fordi dei fryktar nye ras. Det er ikkje kjent kor mange personar som er evakuert.
Raset skal ha gått natt til laurdag. Ingen personar skal ha blitt skada.
- Les også: Hyttenabo skremt av snøras
Tre hytter evakuert
Til no er tre hytter evakuert. Personane som eig hyttene har fått beskjed om å reise heim eller å ta inn på hotell.
– Hyttene er evakuert utifrå ei risikovurdering til ein geolog får undersøkt staden nøye, seier operasjonsleiar i Agder-politiet, Ingrid Mæhre til NRK.
Dei to hyttene som allereie er treft av ras er ikkje evakuert.
– Vi vurderer området til å vere utanfor den store risikosona. Dei som eig hyttene har fått beskjed om å ta ei vurdering sjølv, seier operasjonsleiaren.
- Les også: – Har ikke opplevd maken på 50 år
Skal ha sperra veg
Politiet skal ha sperra vegen inn til hytteområdet.
Ein geolog skal gjere ei vurdering av rasfaren søndag klokka 12.
Røde Kors har til no ikkje blitt kalla ut.
Snøen har lava ned i indre Agder den siste veka, og politiet ber folk vere forsiktige.
– Rasfaren er stor mange stader. Folk må bevege seg veldig forsiktig i fjellheimen, seier Mæhre.
NRK oppdaterer saka.