Aust-Agder toppar grillstatistikken, der 39 prosent av innbyggjarane grillar kvar veke.
28 prosent av innbyggjarane i Vest-Agder grillar ein til to gonger i veka, medan ni prosent grillar tre til fem gonger i grillsesongen.
Mindre grilling i nord
Det viser tal frå ei nasjonal undersøkjing frå Synovate og Opplysningskontoret for egg og kjøt.
Det er finnmarkingane som grillar færrast gonger i løpet av året, medan Noregs mest grillglade bur på Sør- og Austlandet.
– Det grillast mindre desto lengre nord i landet vi kjem. Mange ser nok på dette som ein vêravhengig avktivitet, utan at det betyr at det er mykje dårlegare vêr nordover i landet, seier Bjørn Tore Teigen i Opplysningskontoret for egg og kjøt.
Han trossar sjølv både snø og regn, og grillar ute heile året.
– Sosialt
– Dersom du har eit halvtak å grille under og ein god grill som toler ulike vêromslag, er det ingenting i vegen for å varte opp familie og vener med god grillmat i november, seier han.
– Grilling skal vere enkelt og ikkje minst sosialt. Prøv å nytte grillsesongen til å invitere over naboen eller gode vener til eit måltid som ikkje treng mykje førebuing, seier han.
