Sørlendingen sprang inn til sterke 10,72 og vann 100 meteren suverent.
– Eg er veldig godt nøgd med dette. Målet var å få ei god tid og det klarte eg, seier Meinseth til NRK.
Tida er berre to hundredelar bak kravet til U20-EM som går i svenske Eskilstuna i sommar.
Kun fire er betre i landet
– Det var litt kjipt at eg ikkje klarte kravet når eg var så nær, men eg veit at eg har det inne, seier Sørild-løparen.
Meinseth si tid i Uppsala er den femte sterkaste tida på 100 meter i landet så langt i år. Jaysuma Saidy Ndure toppar statistikken med 10,28.
Målet til Meinseth denne sesongen er å sjå 40-talet på 100 meter.
– Klarer eg å komme ned på 10,40 er eg med i medaljekampen i NM, seier han.
Sjå reportasje med Even Meinseth.
Mjaaland til topps på 800 meter
Meinseth føler seg sterkare enn nokon gong.
– Formen er mykje betre no enn på same tid i fjor. Eg føler eg har gjort ein god jobb i vinter.
19-åringen er son til Sølvi Meinseth som dominerte sprintdistansane i Norge på 80- og 90-talet. Ho har framleis den norske rekorden på 400 meter med tida 52,45.
Trine Mjaaland frå Kristiansand vann 800 meter i det same stemnet.
Tida 2.04,09 er eit stykke bak hennar personlege rekord på 2.01,67 frå førre helg.
