17-åringen er sikta for overgrep mot ein ni år gammal gut i Vågsbygd i Kristiansand. Politiadvokat Ingrid Thorsen i Agder politidistrikt er ikkje nøgd med retten si vurdering. Ho kravde fire veker forlenga fengsling, to med full isolasjon, og fire veker med medieforbod og brev- og besøkskontroll.
Vil anke
– Han blir fengsla i fire nye veker. Retten har funne at det er fare for øydeleggjing av bevis. Det er vi samde i, men retten har ikkje funne grunn til å ileggje restriksjonar. Difor vil vi anke, seier ho til NRK.
ein måndag i januar. Det var skulen som varsla om episoden. Overgrepet skjedde utandørs berre få hundre meter frå Åsane skole, der guten gjekk.
Ventar på rapport
– Vi meiner det er viktig å ha ein viss kontroll på kven han har kontakt med frå fengselet. Difor vil vi anke den delen til Lagmannsretten, seier Thorsen.
No ventar politiet på rettsmedisinske testar frå Kripos.
– Dei har sagt at dei kan vere klare i løpet av ei veke eller to. Vi ventar og håpar at det blir prioritert. Det har vi og fått tilbakemelding på, seier politiadvokaten.
