Politiet vart først varsla om to væpna personar utanfor ein barnehage og aldersheim.
Politiet sende ut væpna patruljar og arresterte etter kort tid dei to personane inne på aldersheimen.
Den eine vart sett fri att kort tid etter, medan den andre vart teke med til avhøyr.
Pågripinga skjedde utan dramatikk.
– To personar skulle ha sin daglege dose med metadon. Dei hadde sett frå seg våpena utanfor i det dei gjekk inn på aldersheimen, opplyser politiet.
Politiet fekk raskt stadfesta at det var våpenkopiar.
– Ein jurist vurderer no kva vi skal gjere med saka, seier operasjonsleiar Agder-politiet Per Kristian Klausen til NRK.
Dei to er kjenningar av politiet.
Ifølgje politiet skal ikkje dei to ha truga nokon.