– Eg håpar vi snart får det litt mildare, seier driftssjef ved Hovden Skisenter, Konrad Byklum til NRK.no.
- LES OGSÅ: – Heilt ekstreme temperaturar
2. juledag vart det sett ny kulderekord i desember på Hovden med 33 minusgrader. Med under 30 minusgrader vart det ein sikkerheitsrisiko å la folk sitje i stolheisen. Dermed var stolheisen stengd i fleire timar.
Må kunne evakuere
– Vi vurderer det ut ifrå utetemperatur og kva vind som er. Så må vi finne ei passeleg grense slik at vi veit at vi klarar å evakuere ein stolheis viss det måtte skje, seier han.
Også i dag må nok stolheisane stå nokre timar, trur Byklum.
– Det vert mest truleg av vi ligg på 30 minusgrader på morgonkvisten. Stolheisane blir nok ikkje køyrt før litt ut på dagen i dag. Det er dessverre ikkje noko anna å gjere, men vi trur at gjestene forstår at ein må la sikkerheita gå føre, seier han.
Sel lite billettar
Kulda verkar og inn på billettsalet på skisenteret. Søndag selde dei omlag ein femdel av normalt.
– Så langt i jula har det vore veldig lite på grunn av det med kulda. Så eg trur nok den har ein viss innverknad, seier Byklum.
- LES OGSÅ: Måtte stenge på grunn av kulde
Han forstår at folk held seg unna i kulda, og seier det hender at dei stoppar folk som er for dårleg kledd.
– Stikk i ansiktet
– Folk bør ha ansiktsmasker når dei sit i stolheis og når dei renn. Det stikk veldig i ansiktet når du kjem over 25 grader. Så det skal ikkje mykje til føre ein kan få lettare forfrysningar, seier han.
