NRK Meny
Normal

– Dette kjenneteiknar eit vinnarlag

Sportsleg leiar i ØIF Arendal, Per Carsten Michelsen, er imponert over vinnarvilja i ØIF-mannskapet.

ØIF Arendal er to kamper fra seriegull. I går slo de Drammen knepent på bortebane, men selv synes de at de gjorde en dårlig kamp. Problemet til arendalslaget kan rett og slett være gullnerver.

– Det bur mykje i dette laget. Det er vinnarvilje og dei reiser seg heile tida og kjem tilbake. Dette kjenneteiknar eit vinnarlag, seier Michelsen til NRK.

I onsdagens kamp måtte ØIF verkeleg slite for å ta heim sigeren. Drammen yppa seg gjennom heile kampen og heldt på å stikke kjeppar i hjula for eit ØIF-lag på gulljakt.

Rune Jakobsen

Rune Jakobsen er dagleg leiar i ØIF Arendal.

Foto: Leif Dalen / NRK

Serieleiar

– Det var ein veldig rotete kamp. Vi prøver å analysere oss fram til kva som ikkje fungerer. Om det er gullnervar eller tankar som snik seg inn. Vi er i ein situasjon vi ikkje har vore i før, seier han.

Sigeren over Drammen gjer at arendalittane er sikra minst sølvmedalje denne sesongen.

ØIF toppar tabellen to poeng føre Bodø med to serierunder igjen.

Vil fylle tribunane

No er klubben i ferd med å mobilisere før sesongens siste heimekamp i eliteserien. Der er Stord motstandar.

Dersom ØIF slår Stord og Bodø tapar borte mot Haslum er sørlendingane seriemiester.

– Slik det ser ut no vert eg overraska om vi ikkje vert utselde for billettar, seier dagleg leiar Rune Jakobsen.