I helga var Sogn og Fjordane Venstre samla til årsmøte, og der var mellom anna fjorddeponi i Førdefjorden tema.
Det er uaktuelt for partiet å gå med på noko fjorddeponi, noko som kan gjere at kommunen går glipp av fleire titals arbeidsplassar.
For å kompensere for dette meiner nestleiar Øystein Djupvik, sjølv frå Naustdal, at regjeringa må sørge for statlege arbeidsplassar.
Eit konstruktiv forslag på ei vanskeleg sak, meiner han.
– Naustdal er avhengig av arbeidsplassar, og kommunen er rigga for vekst. Kritikken mot Venstre har vore at vi er imot vekst, men det er vi ikkje.
– Vi seier no til regjeringa at i staden for fjorddeponi, vil vi ha statlege arbeidsplassar flytta til Naustdal, seier han.
Gruvedrift kan gje 175 arbeidsplassar
Venstre har heile tida vore positive til gruvedrift i Vevring. Planane til Nordic Mining om utvinning av mineralet rutil vil kunne gje kommunen 175 sårt tiltrengde arbeidsplassar.
- LES OGSÅ:
- LES OGSÅ:
Men Venstre har heile tida sagt klart nei til planane om deponering av overskotsmasse i Førdefjorden. Av omsyn til miljøet er det heilt uaktuelt for partiet.
Saka om gruvedrift ligg no til endeleg avgjerd hos Miljøverndepartementet, og på fylkesårsmøtet i helga gjentok Venstre i ei fråsegn at dei seier ne til deponi.
- LES OGSÅ:
- LES OGSÅ:
Nektar gå på akkord med miljøet
I fråsegna har dei også teke inn eit konstruktivt forslag, fortel Djupvik.
– Vi er avhengige av arbeidsplassar, men ikkje på kostnad av miljøet.
– Vi meiner vi har ei løysing som vil ta vare på utviklingsperspektivet, men også miljøverninteressene. Nemleg statlege arbeidsplassar.
Og på spørsmål om dette ikkje er som å skrive ønskjeliste til julenissen, svarar optimisten Djupvik slik.
– Jo, men de ter jo ofte slik at ein får det ein ønskjer seg.