Sidan før jul har det vore mykje stengingar og kolonnekøyring over Vikafjellet. Vesle julaftan var vegen stengd av eit ras og var stengd i fleire timar.
- LES OGSÅ:
Etter å ha vore open for kolonnekøyring i nokre timar midt på dagen veslejulaftan stengde fjellet igjen, og opna ikkje før 29. desember.
– Dette er ein av dei mest vêrutsette fjellovergangane, seier Jan Erikstad ved Vegtrafikksentralen.
Stengt nesten heile romjula
Alt i 2009 vart det lova at vegen over Vikafjellet skulle vere vinteropen. Men i fjor vinter var vegen stengd i langt over 500 timar, og det ser ut til at det kan bli mange timar også i år.
- LES OGSÅ:
Frå ettermiddagen 23. desember var vegen stengd heilt til morgonen den 29. desember. I nokre dagar var vegen open, før uvêr igjen stengde vegen på kvelden nyttårsaftan.
- LES OGSÅ:
- LES OGSÅ:
Første nyttårsdag opna vegen for kolonnekøyring ut på ettermiddag, og vart seinare opna for fri ferdsel. Men natt til måndag stengde vegen igjen, og vart opna for kolonnekøyring måndag morgon.
Fram til i natt ved 03.30-tida var vegen open for kolonnekøyring, men i løpet av natta vart vêret så ille at vegen måtte stengje, igjen.
Opnar ikkje vegen att tysdag
Tysdag føremiddag er altså vegen framleis stengd grunna uvêr. Erikstad ved Vegtrafikksentralen kan ikkje seie noko om kor tid vegen kan opne att.
– Dei siste meldingane går ut på at det er ganske ruskete vêr oppå der. I tillegg skal det ha gått nokre mindre ras, seier Erikstad til NRK ved 10.30-tida.
Klokka 13.30 sendte Statens vegvesen ut melding om at vegen over Vikafjellet er stengd grunna fleire snøras. Vegen vil ikkje opne att tysdag.