Det har den pågåande politietterforskinga avslørt, fortel Bjørn Bjørnstad i Statens Forureiningstilsyn.
Verksemda handterte giftig svovelavfall, utan å ha løyve til det.
-Vi spurte jo eksplisitt om dette, og fekk då eit svar frå bedrifta som altså no viser seg å vere feil opplysningar. Det ser ut som bedrifta har forsøkt å lure myndigheitene her.
Saka meld til politiet
Difor har Statens Forureiningstilsyn meldt Vest Tank til politiet.
For tankanlegget i Sløvåg i Gulen tok slett ikkje imot vaskevatn frå båtane, slik dei sjølve hevda i juli i fjor.
Den pågåande politietterforskinga har avslørt at verksemda dreiv med ulovleg nøytralisering av stoff, og tok i mot giftig svovelavfall utan naudsynte løyve.
Det likar Bjørn Bjørnstad i Statens Forureiningstilsyn dårleg. - Vi meiner at bedrifta har opptrådd aktlaust, og at denne aktløysa har vore med på å resultere i eksplosjon i fjor.
Avfallet vekk innan utgangen av juni
Konklusjonane frå Økokrim, som no leiar etterforskinga etter Vest Tank ulukka, er venta tidlegast i juni.
Men det illeluktande restavfallet skal ifylgje SFT garantert vere vekk innan utgongen av neste månad.
Det har ikkje lukkast NRK å komme i kontakt med tidlegare dagleg leiar i Vest Tank, Jostein Berland.