Jon-Hermann (15) tok sin tredje NM-tittel – i år

I år som i fjor vart Jon-Hermann Hegg noregsmeister på baneskytinga i klassa Eldre Rekrutt under landsskyttarstemnet i Sandnes.

Laurdag sikra 15-åringen seg to nye titlar under NM skyting med skogsløp i Fana.

• LES OGSÅ: Skaut seg til gull i Sandnes

– Det kjennest ekstremt bra ut, men det var litt uventa i dag. Eg trudde ikkje at eg var i så god form, seier han.

Ekte lagsiger

For skyttaren frå Hegg skyttarlag i Lærdal vann den individuelle konkurransen for Eldre Rekrutt med treff på ti av 12 skot. Suksess vart det også i lagkonkurransen, der Hegg hadde sjarmøretappen.

• LES OGSÅ: Fleire skyttarar frå fylket til finale etter god skyting i helga
• LES OGSÅ: Jon-Hermann gjekk til topps etter to omskytingar på Landsskyttarstemna

Der utgjorde 15-åringen eit lag saman med broren Jens Henrik, som også vann den individuelle rekruttklassa, samt Hermann Uglum. Dei to sistnemnde sytte leiing før ankeretappen.

• LES OGSÅ: Jon-Hermann sin innsats lovar godt for framtida for skytesporten

På skytinga brukte han dei fem ordinære skota, samt tre ekstraskot. Likevel måtte 15-åringen ut i ei strafferunde.

– Han som kom bak tok innpå, så eg var spent då eg fekk ei strafferunde etter siste skyting. Då eg såg at også han måtte ut i ei strafferunde, så var eg sikker på siger. Det var ein ekte lagsiger, fortel Hegg.

Vil ha fleire titlar

Med unntak av eit par stemne, har Hegg levert det som må seiast å vere ein prikkfri sesong. 15-åringen har ein grei plan på korleis årets sesong skal toppast.

– Komme tilbake neste år og ta ein til.

– Kva NM-tittel du rangerer høgast?

– Det er tittelen frå Landsskyttarstemnet. Det er liksom der det er flest folk med, og vanskelegast å vinne.

Til neste år går Hegg opp ein klasse. Difor vil han allereie no auke treningsmengda.

– Til no har eg skote berre liggande, men til neste år skal eg også skyte kneståande. Så det må eg trene på, avsluttar han.