– Halldis skulle jo på jobb, så det vart etter kvart eit problem at han ikkje forsvann. Eg forsøkte å forklare det til han, men eg trur ikkje han forstod sognemål, seier Bjørn Bergum.
Bjørn er jeger, og har hatt mykje kontakt med mange ulike dyr, men å kome så tett innpå ein tiur meiner han er ganske uvanleg.
– Det var heilt spesielt, det er slikt ein berre opplever ein gong i livet, tenkjer eg.
Tiuren er kjend for å vere ein sint fugl, og kan ofte vere ei plage når han trenger seg innpå folk i til dømes skiløypa. Bjørn tykkjer likevel at denne tiuren verka snill.
– Særleg Halldis såg det ut til at han fann tonen med. Han vart nesten litt i overkant venleg, vi vart jo ikkje kvitt han til slutt, seier Bergum.
Han trur det blir lenge til han treffer på ein tiur på denne måten igjen.
– Neste gong eg møter ein tiur er det sikkert med tytebær og viltsaus rundt, men denne gongen var det hyggeleg å kome litt nærare ein.