Litauaren i 20-åra vart tysdag
på ein parkeringsplass ved Kråka i Olden.- Les også:
– Vi har førebels berre funne småtteri av tjuvegods, og han har ikkje sagt stort i det heile. Han sit i avhøyr akkurat no, seier Lasse Trosdahl, lensmann i Stryn.
Vil fengsle
Mannen er sikta i samband med dei mange innbrota og tjuveria som var i Stryn og Hornindal i helga. Han vart pågripen etter tips frå publikum.
Ifølgje avisa Møre-Nytt har det også vore innbrot på Vartdal i Ørsta. Bilen har vore observert i grenseområdet mot Søre Sunnmøre.
– Vi prøver å avdekkje bevegelsane hans, og kartlegge kva han har drive med tida han har vore i området vårt. Målet er å få han varetektsfengsla så vi får tid til å gå igjennom materialet og kontroll på kva han har drive med, seier Trosdahl.
– Trur de han har vore åleine?
– Vi har tru på at det kan vere fleire personar som er involverte og at det kan vere fleire bilar. Vi oppmodar folk om å ta kontakt om det er nokon som vekkjer mistanke.