– Hønefoss er eit sterkare lag enn Bærum, som me vann 3–1 over i førre heimekamp. Dei har betre fysikk og vil nok revansjera den dårlege sesongopninga med to tapte kampar. Så det blir ein tøff kamp, men me satsar på at me tek med tre poeng, seier Sogndal-kaptein Rune Bolseth, som tidlegare har spelt for Hønefoss.
Kynisk lag
Også fysisk trenar i Sogndal, Helge Haugen, har ei fortid i Ringerike-klubben. Også han spår ein krevjande kamp:
– Me vil få sjå eit meir kynisk lag. Etter to tap i opninga er Hønefoss sugne på å få med seg iallfall eitt, og helst tre poeng. Men Sogndal skal spela som mot Bærum, gå aggressivt ut, vinna ballen høgt på bana og spela fin angrepsfotball.
Otoo framleis på benken
Fleire spelarar er uaktuelle før kampen i kveld på grunn av skadar eller landslagsspel. Edin Øy er på samling med G18-landslaget, keeper Mathias Dyngeland er ute med brot i handa, Ruben Holsæter og Kristoffer Ryland er i opptrening etter skade, Taijo Teniste har problem med ankelen og Robin Shroot slit med kneet.
- Les også:
Mahatma Otoo er derimot skadefri, men må starta på benken. Kristian Fardal Opseth får fornya tillit som spiss.
Lagoppstillinga elles er: Christian Sukke – Eirik Skaasheim, Bjørn Inge Utvik, Hannu Patronen, Victor Grodås – Rune Bolseth, Petter Strand, Babacar Sarr, Ulrik Flo, Jim Johansen – Kristian Fardal Opseth.